A Oficina de Turismo de Valdoviño reabre este xoves as súas portas

Situada na Porta do Sol, ofrecerá asesoramento e atenderá as consultas dos visitantes de martes a domingo
Valdoviño, 31 de maio do 2023. A Oficina Municipal de Turismo reabrirá mañá xoves as súas portas. Situada na Porta do Sol, estará operativa de martes a domingo, atendida por un técnico de Turismo contratado ao abeiro da liña de axudas aberta pola Deputación provincial da Coruña.
Así, durante 4 meses, atenderá as consultas dos visitantes, ademais de tomar parte en iniciativas de promoción e dinamización turística.
Estes serán os seus horarios: de martes a sábado de 10:00 a 14:00 e de 16:00 a 19:00 horas, e domingos de 10:00 a 14:00 horas.