O acto de inauguración da mostra, que asina Xurxo Lobato, terá lugar ás 18:00 horas

Valdoviño, 12 de setembro do 2022. O paseo da praia da Frouxeira será o novo escenario da exposición «Rostros da Memoria. Ferrol 1972», do artista e académico Xurxo Lobato. Unha mostra promovida pola Mancomunidade de Concellos da Comarca de Ferrol coa colaboración das asociacións culturais Fuco Buxán, Memoria Histórica Democrática e Memoria e Dignidade. O acto de inauguración celebrarase este xoves 15 de setembro a partir das 18:00 horas coa participación do alcalde, Alberto González; o comisario da exposición, e representantes das entidades promotoras. A partir dese momento, poderá visitarse ata o 29 de setembro. 

A través da mostra, Xurxo Lobato rende homenaxe ás persoas que sufriron a represión do franquismo polas loitas obreiras na cidade naval do ano 1972, que aínda están vivas e son merecentes dun recoñecemento público. Son 28 retratos realizados en blanco e negro, primeiro plano, onde se busca que a expresión do rostro co paso do tempo exprese a dor lembrada pola represión. Nun estilo sobrio, austero, minimalista, expresionista. A exposición consta de soportes autoportantes, acondicionados para poder exhibirse ó aire libre, resistentes ás inclemencias do tempo, de modo que a súa mensaxe se poida achegar á cidadanía a través da súa presenza en espazos públicos. 

Trátase dunha proposta que dá continuidade ó proxecto «Rostros da Memoria», realizado en 2007 e itinerante polos museos máis importantes de Galicia. 

Estes son os «Rostros da Memoria. Ferrol 1972»: 

Rafael Pillado

José Villar Vergara “Pepolo”

Francisco Rodríguez Sánchez

Anxo Ferreiras Currás

Suso Díaz

Ignacio Fernández Toxo

Irene Piñeiro López

Antonio Mesejo

José Luis Miraz “Pepe Julio”

Fina Piñón Seoane

Divina García Ferreño

Encarna Puentes García

Ramiro Tenreiro Pena

Manuel Díaz Montero

Fermín Goiriz Díaz

Ramiro Romero López

Fina Varela Fontán

José Loureiro Fernández

Xan María Castro

Alfonso Tellado

Evaristo Vidal Barros

José Torregrosa

Alfonso Couce Testa

Sari Alabau

Joaquín Rodríguez Castro

Raúl Pillado

Ricardo Aneiros Sixto

Antonio Martínez Aneiros