O acto, aberto á veciñanza, dará comezo ás 12:30 horas

Valdoviño, 16 de xuño do 2023. Valdoviño celebra este sábado 17 de xuño o pleno de constitución da nova corporación resultante das pasadas eleccións municipais. A sesión celebrarase no auditorio da Casa da Cultura co fin de poder acoller aos veciños e veciñas interesadas en seguila, e dará comezo ás 12:30 horas.

O guión a seguir comeza coa constitución da Mesa de Idade, integrada polos concelleiros e concelleiras electos de maior e menor idade presentes. Esta será a encargada de comprobar as credenciais en base ás certificacións remitidas ao Concello pola Xunta Electoral de Zona. De seguido, os e as edís tomarán posesión do cargo mediante o xuramento ou promesa de acatamento á Constitución. Rematado o proceso, a Mesa de Idade declarará constituída a corporación, e presidirá a votación para a elección do alcalde.

Os comicios locais arroxaron os seguintes resultados:

7 concelleiros/as PSOE

-Alberto González

-Rosa Ana García

-Sergio Saavedra

-Benito Vega

-Tamara Sabín

-Alejandro García

-Germán Gómez

 4 concelleiros/as PP

-Ana María Díaz

-Ana Arroyo

-Cristóbal Colón

-Kristel Testa

2 concelleiros/as BNG

-Andrés Rodríguez

-Verónica Hermida