Pode visitarse no centro cultural de luns a venres de 10 a 14 h

Valdoviño, 8 de maio do 2023. Durante todo o mes de maio, veciños e veciñas poderán visitar na Casa da Cultura a exposición «Camiñando con Ramón Sanfiz, coñecemos a Francisco Fernández del Riego». De luns a venres, as portas do centro estarán abertas de 10 a 14 h. A mostra chega ao noso municipio da man da Secretaría Xeral de Política Lingüística, e foi ideada polo IES Castelao trala designación de Fernández del Riego como homenaxeado do Día das Letras Galegas 2023, coa clara vocación de dar a coñecer a súa figura entre a mocidade. 

Así, a través de carteis, e co acompañamento de Ramón Sanfiz, protagonista do libro de Fernández del Riego «Galicia», a exposición achega ao público á vida, obra, traxectoria e legado do autor de Vilanova de Lourenzá.