Veciños e veciñas depositaron un total de 8.705 rifas, que recibían nos preto de 60 negocios adheridos por un gasto mínimo de compra

Valdoviño, 21 de novembro do 2024. A campaña de dinamización do comercio local «En Valdoviño… adiantamos o Nadal» xa ten os seu primeiros gañadores. Esta mañá celebrábase o primeiro sorteo da iniciativa entre as 8.705 rifas que foron depositando nas urnas nestes últimos dez días os clientes dos preto de 60 establecementos adheridos de todo o termo municipal. Así, os gañadores e gañadoras dos cheques canxeables de 100 euros foron Alba María Pérez, que realizou a compra do boleto premiado en Gairesa; Alejandro López, cunha compra na Cooperativa de Meirás; Ana Ameneiros e Isabel Felgar, clientas do Auto Servizo O Castro en ambos casos, e máis Verónica Doce, cunha rifa recibida en Eroski City.

Os cinco agraciados poderán trocar eses vales nun dos negocios da campaña, adiantando deste xeito algunha das compras de Nadal. Así mesmo, a iniciativa continúa nas redes sociais municipais cos comerciantes e profesionais locais como protagonistas, e o vindeiro 28 de novembro abrirase o prazo -ata o 4 de decembro- para participar nun segundo sorteo. Nesta ocasión, a clientela poderá depositar nas urnas -da casa consistorial e casa da cultura- os tickets de compra reunidos entre o 11 e o 30 de novembro, sempre que sumen un gasto mínimo de 100 euros. Optarán deste xeito a un segundo cheque canxeable por valor de 200 euros.

Os negocios participantes son:

• Librería Xeila
• Confitería Campeiras
• Peluquería Amancio
• Eroski Center
• Talleres PF Ladeira
• Gran Casa China
• Herrería Jaime
• Frutas Chantarela
• Talleres Díaz
• Electro Agro Valdoviño
• Farmacia Casariego
• Muebles Valdoviño
• Electrodomésticos Nito
• Carne&Co.
• Agrogar
• Tienda Nieves Llago e hijo Juan
• Despeluxada
• Dental Couce
• Con fío de Inés
• Bea Cobelo Centro de estética
• Maranello estilistas
• Centro Podológico Valdoviño
• Farmacia Portela
• Rehafis
• Rainbow Idiomas
• DIA Valdoviño
• Floristería Luz
• Tenda da Morriña
• Cooperativa de Meirás
• Farmacia Álvarez Almodóvar
• Carnicería Casa Félix
• Talleres Queira
• +Fisio
• Clínica Podológica Ana Alvariño
• Meirás clínica dental
• Peluquería María José
• Covirán Suárez
• Peluquería Eva Feal
• Panadería Meirás
• Lavandería Valdoviño
• Aluminios Lago
• Cooperativa de Lago
• Gairesa
• Autoservicio O Castro
• Lupe Rodríguez estilistas
• Centro ecuestre Cabaliño do Lago
• Paintball A Lagoa
• Viveros Rey
• A tenda da Carreira
• Farmacia Covadonga Gutiérrez
• O forno da Carreira
• Panadería Alex
• Cooperativa de Vilaboa