A calidade da auga das zonas de baño de Valdoviño, un ano máis, excelente

O Concello vén de recibir a notificación da Consellería de Sanidade

O alcalde de Valdoviño, Alberto González,  informou esta mañá de que o Concello vén de recibir a notificación da Consellería de Sanidade respecto á clasificación sanitaria final das zonas de baño do  municipio. Así, todas as praias analizadas –A Frouxeira, Campelo, Meirás,  Mourillá-Os Botes, O Baleo, Pantín e Vilarrube- recibiron un excelente. Unha «nota» vixente para a próxima tempada e un reclamo máis para  desfrutar dos areais de Valdoviño.

A vixilancia sanitaria das zonas de baño lévase a cabo mediante a inspección e mostraxe periódica da auga das zonas de baño incluídas no censo realizada polo  corpo de farmacéuticos inspectores de saúde pública durante a tempada de baño.  Así, ao final da tempada de baño, cos datos obtidos nesa tempada o cos resultados das tres anteriores, calcúlase a clasificación sanitaria da auga de baño que pode ser excelente, boa, suficiente e insuficiente.