A partir deste martes reabrirá as súas portas en horario de mañá e tarde

A Biblioteca Municipal de Valdoviño amplía os seus horarios a partir de mañá martes, 2 de marzo. Así, recupera a atención presencial en horario de mañá, de 10 a 14 h, e de tarde, de 16 a 20 h. Iso si, por mor dos protocolos de prevención fronte á covid-19, para acceder ás instalacións é preciso solicitar cita previa a través do correo cultura@concellodevaldovino.com ou do teléfono 981 48 76 66.