Tras o parón de agosto, o servizo municipal de conciliación reabría as súas portas para iniciar o periodo de adaptación das crianzas

Valdoviño, 5 de setembro do 2024. A Aula da Natureza-Punto de Atención á Infancia reabría as súas portas esta semana tras o parón vacacional de agosto. Un total de 18 nenos e nenas iniciaban o curso neste recurso municipal gratuíto de conciliación da vida familiar e laboral. E facíanno co periodo de adaptación, coa presenza inicial das familias, aumentando progresivamente os tempos de estancia segundo cada caso, e coa vista posta en rematar o mes cos horarios habituais do centro emprazado no paseo da Frouxeira.

Neste curso, e seguindo a tónica dos precedentes, tan só quedan 2 prazas vacantes, 1 no grupo de bebés, e outra, no de 2 a 3 anos, co que se poderían solicitar no departamento municipal de Servizos Sociais.