Valdoviño aproba o convenio con Narón para facilitar o servizo de saneamento ás vivendas situadas nos seus límites territoriais

Facilitar o servizo de saneamento ás vivendas emprazadas nos límites entre Narón e Valdoviño é o obxectivo do convenio que asinarán nos próximos días ambos concellos. Seguindo os pasos dados por Narón, o pleno do Concello de Valdoviño aprobaba o pasado xoves, coa unanimidade de todos os grupos, un acordo de colaboración polo que a compañía mixta de augas naronesa –Cosma- asumirá a prestación do servizo de depuración das augas fecais dos inmobles situados en Valdoviño máis próximos a Narón.

O Concello dota de asentos as gradas do pavillón municipal de O Longoiro, en Meirás

O alcalde e o concelleiro de Deportes no pavillón

O alcalde, Alberto González, informou esta mañá de que o Concello vén de instalar asentos sobre as gradas de formigón do pavillón municipal de O Longoiro, na parroquia de Meirás. Uns traballos que supoñen unha mellora para estas instalacións municipais e, especialmente, para o público que acoda a ver algún encontro ou actividade. A actuación requeriu dun investimento de 5.000 euros e vense a sumar ás obras de mellora realizadas nos últimos anos como a dotación dun sistema de drenaxe para evitar as filtracións ao interior ou a renovación dos portalóns e o pintado da cancha.
 

A medallista olímpica Begoña Fernández Molinos, nas Olimpiadas do CPI Atios

Imaxe da visita

Foi a capitana da selección española de balonmán. O equipo que logrou o bronce nos Xogos Olímpicos de Londres 2012, convertíndose na primeira galega en traer para Galicia unha medalla. Un ano antes, colgábase tamén a medalla de bronce no Campionato do Mundo disputado en Brasil. Un currículum deportivo, o da viguesa Begoña Fernández Molinos, de cun laudem. Sen embargo, nin un só dos seus méritos citou na charla que esta mañá ofrecía no CPI Atios de Valdoviño.

O Concello saca a contratación a renovación do alumeado con tecnoloxía LED do campo de fútbol municipal

O Concello de Valdoviño vén de sacar a contratación os traballos de mellora da eficiencia enerxética no campo municipal de fútbol de Mourente por un importe de 47.701,59 euros. E, nesta liña, as empresas poderán presentar a súa oferta ao procedemento ata o 23 de febreiro. O anuncio de licitación e pliegos están publicados para a súa consulta na plataforma de contratación do sector público.
 

Últimos días para participar no concurso de debuxo infantil para elixir á mascota do Océano Surf Museo 2020

Cartaz Concurso Océano Surf Museo

O Concello de Valdoviño anima ao alumnado do CPI Atios e das escolas unitarias do CRA O Esquío –de todos os cursos e idades- a participar no concurso de debuxo organizado polo Océano Surf Museo coa idea de seleccionar a súa Mascota do Ano, unha imaxe que o representará neste 2020. O prazo de presentación de traballos no museo concluirá este domingo, 9 de febreiro.
 

O novo programa municipal “Concilia Mañás!” no CPI Atios arrancaba esta mañá con nove nenas e nenos

Primeira xornada de Concilia Mañás!

O programa «Concilia mañás!» arrancaba hoxe no comedor do CPI Atios coa participación de nove nenas e nenos. Trátase dun servizo de conciliación da vida laboral e familiar e almorzos impulsado polo Concello de Valdoviño. Dirixido a estudantes de entre 3 e 12 anos, desenvolverase de luns a venres de 8 a 9,30 horas. Nesta liña, o alcalde, Alberto González, sinala que aínda quedan prazas libres, polo que as familias interesadas poden formalizar a súa inscrición no departamento municipal de Servizos Sociais (planta baixa da casa consistorial).

O Concello acolle este martes a primeira das xornadas formativas sobre a sede electrónica e a tramitación de subvencións

O Concello de Valdoviño, en colaboración coa Deputación provincial da Coruña, organiza dúas xornadas formativas sobre o uso da sede electrónica municipal e sobre a tramitación de subvencións. A primeira delas terá lugar mañá martes, 4 de febreiro, e repetirase a vindeira semana (o mércores 12). Será na casa consistorial en horario de 10 a 11 horas sobre o uso da sede electrónica, e de 11 a 12 horas sobre a tramitación de subvencións. A participación é libre e de balde e non se require de inscrición previa.
 

O Concello estenderá a tecnoloxía LED ao pavillón municipal de O Longoiro

Reducir o consumo eléctrico asociado á iluminación, mellorar a eficiencia enerxética e as condicións do alumeado, tanto en intensidade como en uniformidade, son os obxectivos do proxecto de mellora da eficiencia enerxética que o Concello de Valdoviño levará a cabo no pavillón municipal de O Longoiro, en Meirás. Unha intervención que, como explicou o alcalde, Alberto González, contempla a implantación de tecnoloxía LED nas lámpadas actuais, holoxenuros metálicos, co que se logrará un aforro enerxético estimado do 50%.
 

A conselleira de Medio Ambiente e o alcalde visitan a Aula da Natureza, en pleno paseo da lagoa da Frouxeira, con motivo do Día Internacional dos Humidais

Visita á contorna da lagoa da Frouxeira

A conselleira de Medio Ambiente, Territorio e Vivenda, Ángeles Vázquez, e o alcalde de Valdoviño, Alberto González, visitaron esta mañá a Aula da Natureza-Punto de Atención á Infancia do municipio para celebrar, xunto aos/as escolares, a conmemoración do Día Internacional dos Humidais. Unha visita na que tamén tomaron parte concelleiras e concelleiros da corporación e na que coñeceron moi de preto o proxecto educativo destas instalacións, emprazadas en pleno paseo da lagoa e praia da Frouxeira.

As escolas unitarias dan a coñecer o seu proxecto educativo ás familias da Aula da Natureza-Punto de Atención á Infancia

Momento da presentación

Aproveitando o encontro de familias que a Aula da Natureza-Punto de Atención á Infancia celebra cada mes, o equipo docente do CRA O Esquío de Valdoviño realizou para todas elas unha pequena presentación do seu proxecto educativo. O obxectivo era claro: dalo a coñecer entre os pais e nais dos/as potenciais alumnos/as para lograr novas matriculacións que blinden a súa continuidade en futuros exercicios.
 

Páxinas

Subscribirse a noticias