O alcalde, Alberto González, avanza a celebración da I Gala do Deporte de Valdoviño

O alcalde, Alberto González, avanzou esta mañá que o Valdoviño celebrará a primeira edición da súa Gala do Deporte o 22 de marzo. Unha iniciativa coa que se queren recoñecer e pór en valor os méritos dos deportistas locais que teñan destacado especialmente ao longo do 2018, pero tamén a novas promesas e adestradores, e a entidades e persoas que contribuísen especialmente á promoción do deporte a través do seu traballo e entrega.

O Concello de Valdoviño presenta ante a Xunta as propostas de mellora para o Plan de Transporte Metropolitano

O alcalde de Valdoviño, Alberto González, informou esta mañá de que o Concello vén de trasladar á Consellería de Infraestruturas e Mobilidade novas alegacións ao Plan de Transporte Metropolitano para mellorar as conexións cos centros educativos de Cedeira, Narón e Ferrol e coas instalacións sanitarias destas últimas cidades. Ademais, recóllense novas melloras planteadas polas entidades na xuntanza informativa que o alcalde mantivo con estas para abordar o plan tras reunirse con responsables da Xunta, ao tempo que fai súa a alegación cursada pola AVV de Meirás.

O Concello abre o prazo de inscrición no Festival de Comparsas de Valdoviño

A Concellería de Cultura de Valdoviño abrirá o próximo luns, 25 de febreiro, o prazo de inscrición no XIX Festival de Comparsas, que terá lugar o sábado 9 de marzo. Para formalizala deben presentar a documentación requerida na Casa da Cultura antes do día 1 de marzo. O horario de recepción das solicitudes na Casa da Cultura é de luns a venres de 10 a 14 horas. Tamén o xoves 28 de febreiro en horario de tarde, de 15 a 18 h.

Bases do XIX Festival de Entroido

Festival de Entroido

O Concello de Valdoviño promove o XIX Festival de Entroido  que se celebrará o  sábado 9 de marzo no  Concello de Valdoviño.
 
BASES QUE REXERÁN NO XIX FESTIVAL  DO ENTROIDO 2019 NO CONCELLO DE VALDOVIÑO
1.- Poderán participar no XIX Festival de Entroido do Concello de Valdoviño as entidades legalmente constituídas e/ou grupos ocasionais  que cumpran as condicións establecidas nas seguintes bases. En todo caso nomearase un representante debidamente autorizado para actuar en nome do grupo.
 

Valdoviño, presente nos Encontros de Surf de Castrillón, en Asturias

Valdoviño nos encontros de surf

O alcalde, Alberto González, participou esta mañá nos I Encontros de Surf de Castrillón, localidade mítica no mundo do surf como pioneira deste deporte na costa norte de España e sede do Festival Internacional Longboard, que se celebra en Salinas, declarado Festa de Interese Turístico do Principado de Asturias e que cada ano congrega a milleiros de surfeiros procedentes de países como EE.UU., Francia, Italia, Australia, Portugal ou Brasil.
 

Plan de Transporte Metropolitano

Nos seguintes enlaces pode consultarse a proposta do Plan de Transporte Metropolitano para Valdoviño:
 
Anteproxectos de explotación
Anteproxecto específico de Valdoviño e Narón (pdf)

O Concello de Valdoviño expón en Asturias a súa aposta polo surf como dinamizador da economía local

Convidado pola organización, Valdoviño participará esta fin de semana nos primeiros Encontros de Surf de Castrillón, en Asturias. O alcalde, Alberto González, trasladarase mañá sábado ao concello asturiano para dar a coñecer a aposta do noso municipio polo surf como motor de dinamización económica no turismo local. Na cita tamén tomará parte Vicente Irisarri, como fundador do Pantín Classic, e un dos impulsores do Océano Surf Museo.
 

O alcalde celebra que o PP se sume agora ás demandas sobre a lagoa trasladadas neste mandato polo goberno local á Xunta

Visita da entón conselleira de Medio Ambiente no ano 2016

O alcalde de Valdoviño, Alberto González, mostrou a súa satisfacción pola decisión do PP de apoiar agora as reivindicacións do Concello sobre a lagoa e a declaración como tramos urbanos de determinados treitos das praias do municipio. En todo caso, lembra que xa o pasado mes de decembro a Xunta accedeu a valorar a petición do Concello para retirar a escollera e a area do interior da lagoa.

O alcalde trasládase a Coruña para abordar coa Xunta o novo plan de transporte metropolitano en Valdoviño

O alcalde, Alberto González, desplazouse onte a Coruña para abordar co xefe territorial de Infraestruturas da Xunta de Galicia, Jose Antonio Álvarez, o proxecto de transporte metropolitano, na actualidade en fase de exposición pública. Unhas conversas que o rexidor trasladará ao tecido asociativo nunha xuntanza que se celebrará este xoves na casa consistorial.

O Concello retira a area arrastrada polos temporais á zona de aparcadoiro da Frouxeira

O alcalde de Valdoviño, Alberto González, informou esta mañá de que o Concello vén de iniciar os traballos de retirada da area que arrastraron os últimos temporais ás zonas de estacionamento que lindan co areal da Frouxeira. Traballos realizados por operarios municipais que se estima se prolonguen ao longo desta semana.
 

Páxinas

Subscribirse a noticias