II Itinerario Literario este sábado con paradas en Valdoviño, Lago, Sequeiro e Meirás

O Concello de Valdoviño organiza este sábado 18 de maio o segundo Itinerario Literario por Valdoviño, no que as persoas participantes percorrerán as parroquias de Valdoviño, Lago, Sequeiro e Meirás facendo unha parada nelas para ler unha breve lembranza a modo de recoñecemento dalgún/a autor-a literario que estea ligado directamente co territorio. Neste caso, Evangelina Hermida (Valdoviño), Pepe Leira (Lago), Medos Romero (Sequeiro) e Rosa Aneiros (Meirás).
 

O equipo prebenxamín do Meirás CF participa este sábado na Fase Intermedia Provincial que se disputará en Narón

O equipo prebenxamín do Meirás C.F., trala consecución do subcampionato ligueiro, vai participar na Fase Intermedia Provincial este sábado 18 de maio nas instalacións do Narón Freixo en Río Seco.
 
Dende Concello e clube, quérese felicitar a este equipo polos éxitos acadados, o máis recente o da consecución do torneo de convivencia, onde participaron os 27 equipos da categoría prebenxamín da delegación de Ferrol.
 
Adxúntanse deseguido os horarios da fase provincial:

 

Arrancan as obras do primeiro Centro Sociocomunitario de Valdoviño

Arrancan as obras no centro

O Concello de Valdoviño informou da sinatura da acta de replanteo da primeira fase das obras de contrución do primeiro Centro Sociocomunitario de Valdoviño. O trámite co que, oficialmente, comezan as obras, adxudicadas á empresa Areco Arquitectura por un importe de 236.295,01 euros. Unha intervención que cofinancian Xunta de Galicia, a través dun convenio asinado coa Consellería de Política Social, e Concello de Valdoviño, ao igual que a segunda fase. En suma, a aportación da Xunta ascende a 150.000 euros.
 

A licitación o contrato de servizo de salvamento e socorrismo en Valdoviño

O Concello de Valdoviño vén de sacar a contratación a prestación dos servizos de salvamento e socorrismo nos areais do municipio cun orzamento base de licitación de 121.000 euros –IVE incluído—As empresas interesadas en tomar parte no proceso poden presentar as súas ofertas ata o 19 de maio ás 23,59 h. Como novidade este ano, o contrato inclúe tamén a seguridade do control das actividades nos areais (en especial son relevantes ás vinculadas coa actividade das escolas de surf).
 

O Concello inicia os traballos de elaboración do II Plan de Igualdade de Oportunidades entre Mulleres e Homes

O Concello de Valdoviño arrancou os traballos de elaboración do II Plan de Igualdade de Oportunidades entre Mulleres e Homes. Este proceso desenvolverase dende unha perspectiva participada, tendo en conta as opinións e percepcións do persoal técnico de todas as áreas  municipais, o persoal político, os axentes sociais e económicos, a comunidade educativa e as mulleres do municipio.
 

Aberto o prazo de reserva de prazas na Escola de Fútbol Base do Meirás C.F.

Cartaz da campaña

O Meirás C.F. vén de abrir o prazo de reserva de prazas na súa Escola de Fútbol Base. Actualmente conta con equipos en todas a categorías de Fútbol 8 e Fútbol 11, dende prebexamíns ata xuvenís.
 
Sen cuotas mensuais, única cuota con dereito a inscribir a todos os membros da familia, equipación proporcionada polo clube, adestradores titulados e adestramentos específicos para porteiros.
 

A Xunta notifica que a calificación das augas de baño para a tempada 2019 é excelente

A Xunta de Galicia, a través da Consellería de Sanidade, vén de notificar ao Concello de Valdoviño a clasificación sanitaria final das zonas de baño para a tempada 2019, que califica de excelente. O informe alude ás seguintes zonas: Baleo, Campelo, Frouxeira, Meirás, Mourillá-Os Botes, Pantín e Vilarrube.
 
A clasificación sanitaria final das zonas de baño será vixente para a tempada 2019 e, tal e como recolle a normativa, o Concello informará da mesma aos usuarios/as nas inmediacións dos areais.

Teatro este domingo en Valdoviño da man da compañía “Os Quinquilláns”

Language planning

O auditorio da Casa da Cultura acollerá este domingo, 12 de maio, a representación teatral «Language Planning», a cargo da compañía «Os Quinquilláns». Arrancará ás 18 horas con entrada de balde e libre ata completar aforo. Unha actuación que conta co respaldo da Deputación a través da Rede Cultural.
 

A SD Valdoviño abre o prazo de inscrición na súa Escola de Fútbol

Despois de acadar o título de liga de afeccionados de Ferrolterra e ascender a primeira autonómica por primeira vez na súa historia, a SD Valdoviño, no seu afán por continuar medrando pouco a pouco, vén de abrir o prazo de inscrición na súa Escola de Fútbol a todos os nenos e nenas con idades comprendidas entre os 4 e os 18 anos que desexen disfrutar do deporte a próxima tempada no novo campo de fútbol de herba artificial do Concello de Valdoviño.
 

A Xunta notifica a concesión dunha achega para a renovación e mellora das instalacións lumínicas nas vivendas de Mourente e Pantín

A Xunta de Galicia vén de notificar ao Concello de Valdoviño a concesión dunha achega por importe de 23.390,33 euros ao abeiro da liña de axudas do Fondo de Compensación Ambiental para o ano 2019. Desta cuantía, 10.000 euros destinaranse a financiar gastos de funcionamento e, os 13.390,33 euros restantes, ás obras de renovación e mellora da iluminación pública nas vivendas de Mourente e na pista deportiva anexa á igrexa de Pantín.
 

Páxinas

Subscribirse a noticias