O Concello estende o alumeado público LED aos accesos peonís do centro de saúde

Alumeado LED no Centro de Saúde
Alumeado LED no Centro de Saúde

O alcalde, Alberto González, informou esta mañá de que o Concello vén de concluír os traballos para dotar de iluminación LED os accesos peonís do centro de saúde. Tecnoloxía que mellora a calidade lumínica do alumeado e reduce o consumo eléctrico arredor dun 60%.
 

O Océano Surf Museo acolle o curso de xuíces 2019 da Federación Galega de Surf

Participantes no curso

O Océano Surf Museo albergou estes días o curso de xuíces 2019 organizado pola Federación Galega de Surf en colaboración co Concello de Valdoviño. Nesta liña, o alcalde, Alberto González, destacou que unha vez máis a Federación volve a apostar polas instalacións locais como centro de formación para acoller unha das súas accións. Impartido polo xuíz Eugenio Prados, o curso daba acceso ao título de xuíz rexional nivel C –recoñecido pola federación galega e española-. Un título necesario para realizar funcións de xuíz nas competicións oficiais destas.
 

O Concello organiza un curso de inglés oral dirixido ao comercio e hostalería locais

Do you speak English?

O alcalde de Valdoviño, Alberto González, informou esta mañá de que o Concello, a través da Concellería de Turismo e Cultura, porá en marcha un curso de inglés oral dirixido fundamentalmente aos traballadores do comercio e da hostalería locais. Con esta acción formativa, completamente gratuíta, búscase contribuír á mellora da atención á clientela de procedencia estranxeira que, ano tras ano, gaña peso nas estatísticas de visitantes ao municipio, especialmente polo auxe do surf e da práctica dos deportes náuticos.
 

Valdoviño acolleu unha xornada de traballo do proxecto Turismo Slow Norte de Galicia

A Casa da Cultura de Valdoviño acolleu na tarde do pasado xoves unha das reunións das empresas turísticas participantes no programa Turismo Slow Norte de Galicia, un proxecto pioneiro en Galicia e tamén en España posto en marcha en 2015 polas Mancomunidades de Ferrolterra e Mariña Lucense co apoio da Axencia Turismo de Galicia. Así, nun ambiente distendido, traballouse na planificación estratéxica do proxecto.
 

Luz verde á senda peonil e ciclista que conectará a Frouxeira con Lago e Meirás

Valdoviño contará cunha senda peonil que unirá, ao longo de 3,2 quilómetros, a lagoa da Frouxeira con Lago e Meirás. O alcalde, Alberto González, informou de que a Xunta daba onte luz verde ao proxecto planteado polo Concello xa en 2016 para conectar a zona litoral e que, dende ese tempo, sufriu diversas modificacións para dar cabida ás demandas e propostas trasladadas polo propio Concello.

TripAdvisor impartirá en Valdoviño unha xornada formativa sobre a promoción de destinos e experiencias turísticas

Valdoviño será escenario o vindeiro 7 de marzo dunha xornada de formación dirixida ao sector do turismo activo e de surf –nomeadamente ás empresas que conforman a oferta de Activo 365 e Costa das Ondas- así como aos concellos que conforman o xeodestino. Correrá a cargo de TripAdvisor, unha empresa punteira de promoción, e o obxectivo pasa por explicar como mellorar a promoción e comercialización de produtos, destinos e experiencias.

Concello e movemento asociativo celebran este sábado a VIII edición da festa infantil do Entroido baixo o título “Entroido Pirata”

Entroido 2019

O Concello de Valdoviño, xunto co movemento asociativo do municipio, organiza a VIII edición da Festa Infantil do Entroido. A cita terá lugar este sábado 2 de marzo no pavillón municipal do Longoiro, en Meirás, baixo o título «Entroido Pirata». A entrada é libre e de balde. O Concello agradece a colaboración das asociacións culturais, deportivas, veciñais, ANPA e amas de casa, que fan posible esta festa.

Os nenos e nenas poderán disfrutar de baile, inchablee, xogos e actividades guiadas. O único requisito para asistir é vir disfrazado.

A estrada de Valdoviño a Cedeira terá tres carrís entre O Carballal e A Ramalleira

Reunión de traballo

Os alcaldes de Cedeira, Pablo Moreda, e de Valdoviño, Alberto González, continúan avanzando xunto coa Xunta nas obras para mellorar a mobilidade, reforzar a seguridade vial e reducir os tempos de percorrido entre os dous municipios, favorecendo así a súa conexión coas principais cidades galegas e facilitando a circulación aos veciños das dúas localidades.

Adxudicadas as obras de mellora na Casa da Cultura, piscina e pavillón municipal de Valdoviño por 110.803 euros

Xuntanza do presidente provincial e o alcalde

A Deputación da Coruña e o Concello de Valdoviño informaron esta mañá da adxudicación definitiva de tres importantes actuacións de mellora nas instalacións municipais. Levaranse a cabo na Casa da Cultura, a piscina municipal e o pavillón deportivo da localidade, cun investimento total de 110.803 euros e un prazo de execución de catro meses.

As obras, financiadas con cargo ao Plan Único de Concellos (POS+2018 Adicional) da Deputación,  permitirán mellorar a funcionalidade e eficiencia enerxética das instalacións, reducindo os gastos de mantenemento e os consumos eléctricos.

As categorías base do Amistad de Meirás e Racing de Ferrol enfróntanse este sábado ao Miami Cup no campo municipal de Atios

Xornada sábado fútbol

O Amistad de Meirás, en colaboración coa Concellería de Deportes de Valdoviño, organiza este sábado unha xornada de fútbol do máis alto nivel. Será no campo municipal de Atios e arrancará ás 11 horas co partido entre os alevíns do equipo local e o seu homólogo do Miami Cup. De seguido, sobre as 12 h, está previsto o encontro que enfrontará ao Racing de Ferrol sub 14 contra o Miami Cup e, pechando esta xornada, o Amistad sub 16 disputará o último partido contra o Miami Cup.
 

Páxinas

Subscribirse a noticias