O Concello de Valdoviño suma aos medios para loitar contra a velutina unha pértiga que alcanza os 18 metros de altura

O alcalde de Valdoviño, Alberto González, informou esta mañá da adquisición dunha pértiga de fibra de carbono para incorporar aos recursos cos que conta a Agrupación Local de Voluntarios de Protección Civil na súa intensa loita contra a vespa velutina no municipio. Este recurso, que xa está sendo utilizado, dispón dun motor eléctrico para introducir o líquido atraínte e alcanza ata os 18 metros de altitude. O seu custe ascendeu a 1.800 euros.
 

O Concello habilita Novas Valdoviño, unha canle de difusión de información municipal a través de Whatsapp

Novas a través do whatsapp

O Concello de Valdoviño vén de activar Novas Valdoviño, unha nova canle de difusión de información municipal a través de whatsapp. Súmase ao servizo de mensaxería de texto e aos envíos por correo electrónico que viña realizando ata a data.
 

Charla este martes en Valdoviño sobre os camiños de peregrinaxe a cargo do arqueólogo Ángel Concheiro

O arqueólogo Ángel Concheiro Coello impartirá a charla «Camiños de peregrinación ao longo da historia: camiño de Santo André, Camiño a Teixido e Camiño de Santiago. Recoñecemento social da poboación local”. Será este martes 15 de outubro no auditorio da Casa da Cultura, a partir das 19,30 horas. Aínda que a entrada é libre, valorarase a asistencia á conferencia para tomar parte na visita a Santiago de Compostela que o Concello programa para este sábado 19 de outubro.
 

O Concello celebra con María López Vergara o seu 100 aniversario

Maruja de Naveiras cumpre 100 anos

María López Vergara, máis coñecida coma Maruja de Naveiras, cumplía o pasado venres nada máis e nada menos que 100 anos. Un aniversario moi especial que o Concello de Valdoviño non quixo pasar por alto tras coñecer a noticia por parte da súa familia. Así, o alcalde, Alberto González, acompañado das concelleiras de Benestar Social, Pilar Caamaño e Ana Belén Pérez, e o edil de Servizos, Benito Vega, desplazábanse ata o domicilio familiar, sito en San Miguel, para trasladarlle a felicitación do Concello e entregarlle un ramo de rosas e un retrato asinado polo pintor Manuel Carballeira.

O Concello estenderá o servizo de saneamento en Meirás e mellorará a estrada de baixada a O Ariño

O alcalde, Alberto González, informou esta mañá de que o Concello investirá 212.873,96 euros procedentes do POS Adicional da Deputación provincial da Coruña nunha intervención para mellorar o saneamento en Meirás e acondicionar un dos principais viais en Pantín.
 

Entra en servizo a gasolineira de Vilaboa

Arroupados polos veciños e veciñas da parroquia, o alcalde, Alberto González, e o presidente da Cooperativa de Vilaboa, Ángel Caneiro, cortaban este mediodía a cinta coa que, oficialmente, quedaba inaugurada a estación de servizo de Vilaboa. Unha gasolineira impulsada pola Cooperativa que, segundo apuntou o rexidor, constitúe un servizo máis que necesario para as parroquias interiores do municipio.

O actor e monologuista Avelino González trae a Valdoviño os seus “Contos de contrabando”

O auditorio da Casa da Cultura será escenario este domingo 13 de outubro dos «Contos de contrabando» a cargo do popular actor e monologuista galego Avelino González. A actuación programada polo Concello a través da Concellería de Cultura arrancará ás 19 horas, dirixida a un público maior de 12 anos. A entrada é libre e de balde ata completar aforo e o espectáculo conta co apoio da Deputación provincial da Coruña a través da Rede Cultural.
 

A Casa da Cultura acolle a exposición colectiva de pintura e fotografía “Tod@s”

Imaxes da inauguración
Imaxes da inauguración

A Casa da Cultura de Valdoviño acolle a exposición colectiva de pintura e fotografía «Tod@s». A mostra, promovida por Narart (Narón amigos del arte), inaugurábase onte á tarde nun acto presidido polo alcalde, Alberto González, no que tamén participou a concelleira de Cultura, Rosana García, e os artistas que asinan as obras.
 
Así, a mostra poderá visitarse en Valdoviño ata o día 27 de outubro, en horario de 12 a 14 horas de luns a domingo e de 16 a 19 horas tamén os sábados e domingos. A entrada é de balde.
 

Xornada formativa sobre o uso da sede electrónica do Concello de Valdoviño

A xornada terá lugar o martes 29

O Concello de Valdoviño, en colaboración coa Deputación provincial da Coruña, organiza unha xornada formativa sobre o uso da sede electrónica municipal. Deste xeito, a veciñanza coñecerá como empregar a oficina dixital do Concello e os métodos de identificación que lles permiten autenticarse de maneira segura ante as administracións públicas.
 

A Cooperativa de Vilaboa estrea gasolineira

A Cooperativa de Vilaboa inaugurará este venres 11 de outubro a súa estación de servizo. Será nun acto que dará comezo ás 13 horas e contará coa asistencia do alcalde, Alberto González, e máis da directiva e socios da entidade. Así o avanzou o xerente, José Ameneiros, para mostrar a satisfacción da cooperativa pola apertura, coa que se dá cumprimento a unha demanda latente na parroquia. Os seus veciños e asociados gañarán en comodidade, evitando realizar o traxecto de 10-12 kms que os separan da gasolineira máis próxima, situada na parroquia de Lago.
 

Páxinas

Subscribirse a noticias