Arranca a tramitación das obras para a construción da senda peonil e ciclista entre a lagoa da Frouxeira e Meirás

O alcalde, Alberto González, informou esta mañá da publicación no Diario Oficial de Galicia do decreto polo que se declara a utilidade pública e se dispón da urxente ocupación dos bens e dereitos afectados polo proxecto de construción do itinerario peonil e ciclista entre a lagoa da Frouxeira e Meirás. Na práctica, arranca así o procedemento administrativo para materializar o proxecto, que conta cun orzamento duns 865.000 euros que financiará a Xunta de Galicia.

Concello e CPI Atios colaboran nas obras de acondicionamento do centro educativo

Visita ao colexio
Visita ao colexio

O alcalde, Alberto González, e o director do CPI Atios, Antonio Cebreiro, informaban esta mañá do remate dunha serie de actuacións de acondicionamento realizadas nas instalacións educativas e, máis concretamente, nas dependencias de Secretaría, Dirección e na antiga vivenda do conserxe. Nas primeiras, o Concello procedía ao pintado das estancias e á renovación do chan por tarima flotante, namentras que o CPI financiaba a adquisición de novo mobiliario de oficina obrigado polo deterioro do anterior.
 

O Concello tramita as axudas do Bono Coidado para familias con fillos menores de 12 anos

O Concello de Valdoviño, a través da Concellería de Servizos Sociais Comunitarios, vén de informar da apertura do prazo para presentar as solicitudes ó programa Bono Coidado, destinado ás familias con fillos menores de 12 anos. Así, as persoas interesadas en anotarse a este programa para favorecer a conciliación da vida familiar e laboral poden dirixirse ó departamento municipal de Servizos Sociais –pranta baixa da casa consistorial-, onde recibirán a información necesaria sobre a documentación a entregar e, ademáis, os técnicos municipais encargaranse de tramitar as solicitudes.

A ANPA Beiramar entrega ao CPI Atios o desfibrilador e equipamento acadado coa campaña proxecto salvavidas

Acto de entrega
Acto de entrega
Entrega do desfibrilador

A día de hoxe, o CPI Atios, no que estudan máis de medio millar de nenos e nenas, é un espazo cardioprotexido, e a consecución deste logro foi un éxito colectivo que nacía da iniciativa da ANPA Beiramar. Pais e nais poñían en marcha no mes de outubro unha campaña solidaria, ao abeiro da iniciativa Proyecto Salvavidas, para acadar o ansiado desfibrilador para o centro a través da venda de pulseiras. Un proxecto ao que se unía o Concello, que instalaba de forma provisional un dos desfibriladores cos que conta.

Consulta do Censo Electoral

O Alcalde-Presidente do Concello de Valdoviño fai saber:
 
En virtude do establecido na modificación da Lei Orgánica 5/1985, de 19 de xuño, do Réxime Electoral Xeral, establecida pola Lei Orgánica 1/2003, de 10 de marzo, o Concello porá a disposición pública a consulta do censo electoral deste Concello, por medios informáticos e unha relación das mesas electorais, nas oficinas municipais, Negociado de Estatística do 11 ó 18 de marzo inclusive, podendo dentro do dito prazo consulta-lo censo e presentar se procede reclamación.
 

Medio centenar de persoas tomaron parte en Valdoviño na xornada formativa sobre a promoción de destinos

Imaxes da xornada
Imaxes da xornada

Organizada pola Mancomunidade de Concellos da Comarca de Ferrol, coa colaboración do Concello, e ao abeiro do convenio asinado coa Axencia Turismo de Galicia para a promoción do xeodestino Ferrolterra-Rías Altas, Valdoviño acolleu onte á tarde unha xornada de formación dirixida ao sector do turismo activo e de surf –nomeadamente ás empresas que conforman a oferta de Activo 365 e Costa das Ondas- así como aos concellos que conforman o xeodestino. Coa participación de TripAdvisor como un dos principais reclamos, tivo moi boa acollida entre o sector e nela tomaron parte 50 persoas.

Manifesto Día Internacional da Muller

Iluminación de cor lila da fachada da casa consistorial

“Cada 8 de Marzo reivindicamos o papel da Muller no mundo, celebrando os dereitos conquistados e o progreso cara unha sociedade máis xusta e igualitaria. Foi a determinación, a loita feminista, a unión de todas as persoas que cos seus actos e palabras conseguiron cada pequena gran victoria. A herdanza que as mulleres da nosa historia deixaron son as pegadas que seguimos para seguir a dar voz a cada muller silenciada en calquera punto do mundo. Labregas que sementaron o noso presente, coidadoras da dignidade e o respeito.

Ata 10 comparsas participarán este sábado no XIX Festival de Valdoviño

O Concello de Valdoviño celebra este sábado 9 de marzo o XIX Festival de Comparsas que arrancará ás 17,30 h cun pasarrúas entre a casa consistorial e a Casa da Cultura, onde se habilitará unha gran carpa para acoller o festival, que estará conducido polo grupo de teatro galego Ghazafelhos. Cada comparsa interpretará ante o público un máximo de dúas cancións ou parodias, e polo menos unha delas terá que estar escrita ou interpretada en galego e unha delas terá que xirar en torno a Valdoviño.

Estudantes do CPI Atios reescriben os contos clásicos dende unha visión non sexista para compartilos cos nenos e nenas do PAI

Alumnos e alumnas de sexto curso do CPI Atios coas súas mestras no PAI

Os alumnos e alumnas de sexto curso de Educación Primaria do CPI Atios veñen de reinterpretar os contos clásicos que acompañaron a tantas xeracións pero dende unha visión non sexista, sen ningún tipo de estereotipo. Un traballo que desenvolveron ao longo das últimas semanas nas aulas baixo a dirección das súas mestras María Dolores Freire Villar e Eva Gómez Leira e que esta mañá compartían cos máis pequerrechos e pequerrechas do municipio: os nenos e nenas que acoden a diario á Aula da Natureza-Punto de Atención á Infancia de Valdoviño.

Últimos días para presentar candidaturas á I edición da Gala do Deporte de Valdoviño

Valdoviño celebrará a primeira edición da súa Gala do Deporte o 22 de marzo. Unha iniciativa coa que se queren recoñecer e pór en valor os méritos dos deportistas locais que teñan destacado especialmente ao longo do 2018, pero tamén a novas promesas e adestradores, e a entidades e persoas que contribuísen especialmente á promoción do deporte a través do seu traballo e entrega.
 

Páxinas

Subscribirse a noticias