Arrancan os traballos previos á execución da senda peonil e ciclista entre a lagoa da Frouxeira e Meirás

A empresa Estudio Técnico Galego, adxudicataria do contrato, vén de notificar ao Concello de Valdoviño o inicio dos traballos previos de cara ás expropiacións contempladas para a construción da senda peonil e ciclista entre a lagoa da Frouxeira e Meirás. Así mesmo, dende o Concello quérese aclarar que as supostas follas informativas que apareceron estes días en domicilios da zona, tal e como lles trasladaron veciños e veciñas, non proceden nin da Administración local nin da empresa adxudicataria, descoñecéndose a día de hoxe a súa autoría.

O Concello denuncia un novo roubo dos cabezais das duchas da Frouxeira

Novo acto de vandalismo

Segundo roubo en 15 días nos equipamentos dos areais de Valdoviño. O concelleiro de Servizos, Benito Vega, informaba esta mañá dunha nova sustracción. Neste caso, os cabezais das duchas máis próximas aos aseos que colindan co chiringuito da praia da Frouxeira. Ocorría esta noite e deixaban sen servizo as duchas.
 
Este acto súmase ao perpetrado na segunda quincena de xullo, cando desapareceron cinco cabezais e incluso as tuberías da ducha que dá servizo aos bañistas da praia dos Curas. Roubos que pagan finalmente todos os veciños.
 

O Concello abre o prazo de inscrición nun curso de verán de tiro con arco

O Concello de Valdoviño, a través da Concellería de Deportes, promove unha nova edición do curso de verán de tiro con arco. Será o Club Arco A Frouxeira o encargado de impartir as clases no campo municipal de fútbol de Atios, do 19 ao 23 de agosto e de luns a venres. Os horarios previstos serán de 10 a 12 horas e está dirixido a persoas de todas as idades a partir de 8 anos.
 

O Concello convida este venres a veciñanza e visitantes a unha nova sesión de cine ao aire libre

O Concello de Valdoviño convida á veciñanza a unha nova sesión de cine nocturno ao aire libre. Neste caso, co filme de animación infantil «Coco». O pase terá lugar este venres 9 de agosto, a partir das 22 horas, na praza da Casa da Cultura. A iniciativa conta co apoio da Deputación provincial a través da Rede Cultural.
 
Dirixida a un público familiar, «Coco» é unha película de animación estadounidense estreada en 2017. Dirixida por Lee Unkrich, e inspirada na festividade mexicana do Día de Defuntos, foi producida por Pixar e distribuída por Walt Disney Pictures.

Aberta a inscrición na I Andada Senda das Ondas

A ruta celébrase o 6 de agosto

O alcalde, Alberto González, anunciou esta mañá a posta en marcha dunha nova iniciativa de promoción dos principais recursos naturais do municipio: a I Andada Senda das Ondas. Unha ruta única de 20 kms entre Pantín e Punta Frouxeira que o Concello habilitaba no primeiro semestre do ano. Transcorre integramente pola costa e permite coñecer catro praias do Concello que, ademais de pola súa grande riqueza ambiental e paisaxística, destacan pola súa calidade para a práctica do surf: Vilarrube, Baleo, Pantín e A Frouxeira.

O Concello repartirá entre a veciñanza 50 entradas para asistir ao Trofeo Teresa Herrera do Deportivo da Coruña

O Concello de Valdoviño repartirá gratuitamente entre os veciños e veciñas 50 entradas para o partido que este sábado 10 de agosto enfrontará ao RC Deportivo e ao Real Betis Balompé a partir das 21 h horas no estadio de Riazor. Tamén se disputará o partido feminino deste trofeo entre o Real Club Deportivo ABANCA e o UD Granadilla ás 18:30 h. Así o confirmaba hoxe mesmo a Deputación da Coruña, que cede as entradas ao Concello.
 

Valdoviño celebra esta fin de semana a XXIII Baixada de Carrilanas de San Mamede

Cartaz da proba

Valdoviño convertirase esta fin de semana na capital da velocidade e diversión grazas á súa tradicional Baixada das Carrilanas de San Mamede, que este ano acada a súa XXIII edición. Preto de 60 vehículos sen motor construídos en moi diversos materiais e un sinfín de formas competirán por ser os máis veloces nun percorrido que seguirán milleiros de seguidores e curiosos, fieis á cita.
 

Cubertas nun día as prazas para participar na ruta guiada pola zona mineira do Porto

Imaxe da ruta anterior

En apenas unhas horas, as prazas para participar na ruta guiada pola antiga zona mineira do Porto quedaron cubertas. Trátase dunha iniciativa promovida polo Concello, a través da Concellería de Cultura, e a Asociación Valdoviño Azul, e celebrarase este sábado 10 de agosto con participación gratuíta.
 

Concello e Valdoviño Azul organizan unha nova ruta guiada pola zona mineira do Porto

O Concello, a través da Concellería de Cultura, e a Asociación Valdoviño Azul únense unha vez máis para organizar unha nova ruta guiada pola antiga zona mineira do Porto. A iniciativa, segundo explicou o alcalde, Alberto González, celebrarase o sábado 10 de agosto ás 11,30 horas. As prazas son limitadas e a participación é gratuíta, aínda que se precisa de inscrición previa.
 

Valdoviño abre as portas do seu cámping municipal en pleno corazón da Frouxeira e tras unha transformación radical

A lagoa e praia da Frouxeira, cos aires do Atlántico inundándoo todo, é o marco singular e incomparable no que hoxe abría as súas portas o cámping de A Lagoa, tras un ano de obras que supuxeron unha transformación radical das instalacións. No día de onte o alcalde, Alberto González, realizaba xunto a Benito Vega, concelleiro de Obras, unha visita a este espazo municipal na que Eliseo Carballeira, Fernando Martín e María José Vázquez, responsables da UTE concesionaria da explotación do servizo, e promotora da actuación, actuaron como anfitrións.

Páxinas

Subscribirse a noticias