Cea homenaxe ós maiores de Valdoviño.

Enviado por Servizos Sociais a Mér, 05/12/2012 - 08:42

O día  21 de decembro de 2012 ás 21:00 horas no Restaurante Brisas, celebramos a cea homenaxe ós maiores de Valdoviño.
   Requisitos:

  • Ser maior de 65 anos (non teñen que cumplir este requisito os/as cónxuxes dos maiores).
  • Figurar empadroados no concello de Valdoviño.

Inscripcións: No departamento de servizos sociais, na pranta baixa do concello a partir do día 10 ata o 14 de decembro, en horario de 9:00 a 12:00 horas.

Aprobada lista de admitidos/as no proceso selectivo da praza de Traballador/a social

Enviado por Servizos Sociais a Lun, 03/12/2012 - 14:06

Publícase a lista de admitidos/as no proceso selectivo para a provisión con carácter laboral-temporal dunha praza de Traballador/a social e fíxase a data e hora de exame para o vindeiro mércores día 5 de decembro ás 9:30 horas no CPI ATIOS.

Última semana para enviar fotos para o calendario

Enviado por admin a Lun, 26/11/2012 - 17:29

Esta é a última semana para enviar as fotos para confeccionar o calendario municipal de 2013.
 
Lembramos que todas aquelas persoas interesadas en que a súa fotografía apareza no calendario poden enviar as instantaneas que consideren axeitadas, xunto co nome do autor, ao enderezo de correo web@concellodevaldovino.com ou entregalas nun soporte físico na Casa da Cultura.

O concello de Valdoviño conmemora hoxe o Día contra a Violencia de Xénero

Enviado por Servizos Sociais a Lun, 26/11/2012 - 09:33

 O concello de Valdoviño conmemora hoxe o Día Internacional contra a violencia de Xénero. Con este motivo, o persoal de Servizos Sociais sairá ás rúas para falar con veciños e veciñas e fomentar así unha maior sensibilización con este tema. Ademais, haberá un reparto de piruletas e “vales” que simbolicen a importancia de tratarnos con dozura e respecto, clave para establecer unhas relacións positivas de bo trato.

Suspendida a actuación de Mr. Cool

Enviado por admin a Xov, 22/11/2012 - 19:02

A actuación de "Mr Cool: concerto humor", programada para este domingo 26, queda SUSPENDIDA, pasando a outra data aínda por concretar.
 
A concellería de Cultura descúlpase polas molestias que esta suspensión poida supoñer.

III Xuntanza Solidaria de Nadal- Campaña de recollida de xoguetes

Enviado por Servizos Sociais a Mér, 21/11/2012 - 09:50

O Concello de Valdoviño, dende o Departamento de Servizos Sociais e en colaboración este ano coa Asociación de Veciños de Vilarrube, prepara a súa III Xuntanza Solidaria de recollida de xoguetes.
Os xoguetes que se recollan serán distribuidos dende este Departamento entre as familias con maiores necesidades neste próximo Nadal.
A xuntanza celebrarase o día 2 de decembro (domingo) na Casa da Cultura de 16:30 a 18:30 hrs. á que están invitadas todas aquelas persoas/entidades do Concello e arredores que desexen colaborar.

Convocatoria para a contratación laboral-temporal dun/ha Traballador/a Social

Enviado por Emprego a Mér, 21/11/2012 - 09:18

O Concello de Valdoviño abre, o 22 de novembro, o prazo de presentación de solicitudes para participar no proceso selectivo para a cobertura con carácter laboral-temporal, dunha praza de Traballador/a Social, baixo a modalidade contractual de obra ou servizo.
 
O prazo de presentación de solicitudes remata o luns dia 26 de novembro.
 
Pódense consultar as bases no apartado correspondente da Convocatoria de praza de traballador/a social.

Aberto o prazo de contratación dun operario municipal

Enviado por admin a Lun, 19/11/2012 - 11:15

Coa publicación do anuncio na prensa abriuse este sábado 17 o concurso-oposición para a contratación temporal dunha praza de operario municipal, persoal de oficios.
 
As bases e a instancia para poder concurrir á praza atópanse na seguinte convocatoria: Contratación de persoal (operario municipal).

Envía as túas fotos para o calendario municipal

Enviado por admin a Xov, 15/11/2012 - 20:57

Como xa informamos nesta mesma web, o Concello de Valdoviño vai confeccionar un ano máis o calendario municipal. Para a edición de 2013 gustaríanos contar coa participación dos veciños.

O Concello pon en marcha "VAGALUME", Programa de Educación Familiar na etapa preescolar

Enviado por Servizos Sociais a Lun, 05/11/2012 - 12:29

O Concello de Valdoviño vai poñer en marcha "VAGALUME", un programa de educación familiar na etapa preescolar. As inscricións poderán realizarse ata este xoves, 8 de novembro, no departamento de Servizos Sociais (teléfono 981 487 041 ext. 5).
 
Para concretar o horario e lugar, será preciso valorar as inscricións, polo que se fará unha reunión posterior coas persoas interesadas para fixar ditos aspectos.
 

Páxinas

Subscribirse a noticias