"Marzo de Mulleres"

Para conmemorar o día 8 de Marzo, Día Internacional das Mulleres, o Concello de Valdoviño, dende o Dpto. de Cultura presenta a súa programación mensual:
Sábado 9 de marzo: celebración do Día da Mulleres ás 18:00 h. no auditorio da Casa da Cultura. Actuacións do Grupo de Teatro Rosalía de Vilaboa e de "Los Nostálgicos".     
Domingo 17 de marzo: Teatro da Zarabanda ás 19:00 h. no auditorio da Casa da Cultura. "Entre nós, mulleres". Para todos os públicos.                                     

"Programa Activad@s"

Onte deu comezo o "Programa Activad@ s", enmarcado dentro das actuacións para o envellecemento activo da Deputación da Coruña e organizado polo Departamento de Servizos Sociais municipais. A primeira sesión (impartida pola técnica da Fundación Educación, Deporte e Saúde), cunha agradecida participación, tratou o primeiro dos temas propostos: "O papel do exercizo físico na prevención e tratamento das enfermidades cardíacas". As persoas participantes puideron desfrutar dunha xornada totalmente activa chegando arealizar pequenas prácticas de actividade física ao finalizar a sesión.

Resolución de nomeamento do operario municipal

Concluídas as probas de selección por concurso-oposición dunha praza de operario municipal en réxime de interinidade, Grupo E, Escala: Administración Especial, Nivel:7, vacante no Concello, elévanse a definitivos os resultados finais das probas selectivas e realízase a resolución de nomeamento correspondente.
 
Pódese consultar o decreto coa resolución e toda información sobre a contratación nesta ligazón: Contratación de persoal (operario municipal).

Exitosa participación na I Xornada de Termalismo

A I Xornada de Termalismo organizada dende o Departamento de Servizos Sociais do Concello e subvencionada pola Deputacion da Coruña dentro do programa "Envellecemento Cero" tivo un 100% de participación na xornada de onte.
 
50 persoas maiores de 55 anos decidiron sumarse á iniciativa local e desprazarse ás 9 da mañá cara o SPA ATTICA 21 de Vilalba. Durante a xornada puideron disfrutar tanto coas actividades físicas acuáticas guiadas por monitorado como polo relax e baño totalmente libre.
 

Crónica da 1ª Proba do Circuito Galego de Bodyboard (Praia da Frouxeira)

Este domingo 24 de febreiro tivo lugar o II Campionato de Bodyboard da Frouxeira, primeira proba puntuable para o circuito galego 2013, disputado nunhas condicións climatolóxicas moi duras, pero cun gran éxito de participación e organización.
 

"ACTIVAD@S" - Programa de Fomento da Actividade Física Regular na terceira idade

Activad@s

O Concello de Valdoviño, dende o Departamento de Servizos Sociais Comunitarios, presenta o programa ACTIVAD@S, co obxectivo de fomentar a actividade física regular entre os diferentes colectivos, principalmente dos maiores de 55 anos.
 
A actividade enmárcase dentro do Programa "Envellecemento Cero", subvencionado pola Deputación da Coruña. Consta de 3 obradoiros teórico -prácticos impartidos por persoal especializado da Fundación Educación, Deporte e Saúde. Abordaranse os seguintes contidos repartidos en 3 sesións:
 

Licitación do servizo de limpeza de edificios municipais

O Concello de Valdoviño saca a licitación o servizo de limpeza de diversos edificios municipais. O contrato ten un prazo de execución dun ano (prorrogable por outro máis) e un orzamento anual de 68.365 euros.
 
Os licitadores poderán presentar as súas propostas na Secretaría do Concello, de acordo co establecido no punto 9 do prego de cláusulas que rexen a contratación, no prazo de quince días a contar dende a última publicación no Boletín Oficial da Provincia ou diario de maior tirada.
 

Visita ao director xeral de Administración Local

O alcalde de Valdoviño, José Antonio Vigo Lago, e o concelleiro de Economía e Facenda, Manuel Bacorelle Robles, desprazáronse o pasado martes 12 de febreiro ata Santiago de Compostela, onde trataron diversos asuntos da xestión municipal.
 
 

Acordo de Goberno no Concello de Valdoviño

Tras varios meses de negociación, os concelleiros electos do Partido Popular (PP), Convergencia Galega (C.G.) e Unidos por Valdoviño (UporV) chegaron a un acordo deGoberno no Concello  de Valdoviño.
 
Os concelleiros destes tres partidos chegan a este acordo de Goberno porque consideran que, dada a situación de crise actual, a unión entre eles é a mellor opción para a gobernabilidade do Concello, para o desenvolvemento do mesmo e para levar adiante proxectos en común que sexan útiles aos veciños.
 

Resultados e nova convocatoria para a praza de operario

Despois da realización do primeiro exercicio da fase da oposición para cubrir unha praza de operario no Concello de Valdoviño, declaranse eliminados os aspirantes que non acadaran os 5 puntos nese primeiro exercicio e convócase aos aspirantes que si o superaron para a realización dun segundo exercicio, que terá lugar o venres 22 de febreiro, ás 10:00 horas, na nave de Lanzós (Lago), debendo ir provistos do DNI ou documento análogo para a súa identificación.
 

Páxinas

Subscribirse a noticias