O Concello recepciona a obra do Moucho

O Concello de Valdoviño recepcionou a obra do Moucho, unha actuación financiada pola Deputación da Coruña cuns 31.000 euros, que finaliza o abastecemento e saneamento deste espazo.
 
A obra complétase co recubrimento da cuneta nunha marxe, para mellorar a seguridade peonil.
 

Stop vespa velutina

Cartaz velutina

As velutinas representan un problema importante para todos, xa que devoran insectos beneficiosos que garanten a biodiversidade, acaban coa froita e representan un risco serio para as persoas. Unha campaña intensa de trampeo na primavera reduce o número de niños ata un 75%.
 
A Asociación Galega de Apicultura pide a participación de todos, poñendo na horta ou xardín un par de trampas colgadas das árbores en flor, como camelias e frutais, xa que é alí onde van buscar alimento.

Consulta do censo electoral

O alcalde de Valdoviño vén de publicar un bando no que fai saber que:
 
"En virtude do establecido na modificación da Lei Orgánica 5/1985 de 19 de xuño, do Réxime Electoral Xeral, establecida pola Lei Orgánica 1/2003, de 10 de marzo, o Concello porá a disposición pública a consulta do censo electoral deste Concello, por medios informáticos e unha relación das mesas electorais, nas oficinas municipais, Negociado de Estatística do 9 ao 16 de maio inclusive, podendo dentro de dito prazo consulta-lo censo e presentar se procede reclamación.

Valdoviño mantén as cinco bandeiras azuis

Valdoviño manterá un ano máis a Bandeira Azul en cinco das praias municipais, logo de que ADEAC anunciase este xoves 5 de maio a listaxe de areais e portos galardoados coa Bandeira Azul en 2016.
 
Un recoñecemento, entroutros aspectos, á calidade das augas, aos servizos de salvamento ou á accesibilidade e comunicación das praias do concello.
 

Taller de danzas do mundo

O Concello de Valdoviño organiza un taller de danzas do mundo, dirixido a persoas de 18 anos en adiante.
 
Este obradoiro impartirase durante todo o ano, un día á semana, con horario de mañá durante o verán e de tarde durante o resto do ano. Terá lugar na Casa da Cultura e será de xeito gratuíto, con prazas limitadas.
 
Os interesados en preinscribirse, poden facelo chamando ao número 981 487 666 (Casa da Cultura).

Inicio de actividades do Programa Envellecemento Activo 2016

A semana vindeira darán comezo as actividades programadas dentro do Programa "Envellecemento Cero".
 
O luns día 2 terá lugar na Escola Unitaria de Vilaboa a primeira sesión do obradoiro de Musicoterapia ás 16:30 horas. Parroquias de Loira e Vilaboa
 
O mércores día 4 terá lugar no local da AA.VV de Pantín a primeira sesión do obradoiro de Musicoterapia ás 16:30 horas. Parroquias de Pantín e Vilarrube.
 

Convocatoria dunha praza de técnico deportivo

O Concello de Valdoviño abre o proceso de selección dunha praza de técnico deportivo, baixo o réxime laboral temporal.
 
No apartado de Convocatorias da web (Contratación de técnico deportivo) atópanse toda a información e as bases correspondentes á convocatoria, realizada dentro do programa de apoio ó deporte regulado pola Convocatoria da Deputación da Coruña (B.O.P. no 221, de 18 de novembro de 2015).
 

Pechado o aparcamento na Porta do Sol

As prazas de aparcamento situadas ao longo da Porta do Sol permanecerán pechadas dende este mércores (07:00 horas), para proceder ao seu pintado. Os traballos de sinalización horizontal da vía continuarán ao longo da travesía da Porta do Sol durante un prazo aproximado dunha semana.
 
Loxicamente a entrada en vigor da normativa que regulará esas prazas de aparcamento será posterior ao finalizado do pintado.

O local de maiores pecha na tarde deste mércores

O local de maiores de Valdoviño permanecerá pechado durante a tarde deste mércores 27 de abril, debido á celebración dun curso na instalación.
 
Desculpen as molestias ocasionadas.

Valdoviño participa na fase de suxerencias ao documento do PXOM con case 200 propostas

Un total de 191 escritos foron entregados no Concello con diversas suxerencias para contribuír na elaboración do planeamento, tanto por parte de particulares coma empresas, entidades cooperativas ou incluso o Colexio de Arquitectos de Galicia, quen valora moi positivamente esta iniciativa do goberno local, onde a participación e a peza clave para unha proposta aberta e transparente.
 
Por parroquias, Meirás recolle 45 propostas, Valdoviño 35, Lago 32, Sequeiro 21, Pantín 19 Vilarrube 14 e Loira 13. Asemade recolléronse outras suxerencias que aluden a todo o Concello.

Páxinas

Subscribirse a noticias