O Concello abre a inscrición nuns cursos de manexo do móbil e do ordeador dirixido preferentemente a mulleres maiores de 55

No marco do programa municipal de igualdade e prevención das violencias machistas «Somos e Contamos», o Concello de Valdoviño vén de anunciar a convocatoria de dúas accións formativas centradas nas novas tecnoloxías e dirixidas preferentemente a mulleres maiores de 55 anos, aínda que abertas a todo o mundo. Trátase dos cursos «Toma de contacto co computador» e «Manexo do teléfono móbil ou smartphone». A inscrición está aberta no departamento municipal de Servizos Sociais –planta baixa da casa consistorial ou teléfono 981 48 70 41 extensión 5-.

O Concello de Valdoviño abre a inscrición nos obradoiros de musicoterapia nas parroquias para persoas maiores de 55 anos

Baixo o título «Ponlle ritmo á vida!», o Concello de Valdoviño retoma os obradoiros de musicoterapia para persoas maiores de 55 anos. E farao levando as sesións cada semana ás diferentes parroquias. En concreto, a Meirás, Pantín, Sequeiro e Vilaboa. Nesta liña, a Concellería de Servizos Sociais vén de abrir o prazo de inscrición no programa, con custe cero para as persoas participantes.
 

AVISO RECOLLIDA LIXO

FCC, empresa concesionaria do servizo de recollida de lixo en Valdoviño, comunicou ao Concello que mañá martes 5 de novembro non se prestará o servizo en virtude do convenio colectivo do sector, que establece como patrón da actividade e festivo o día de San Martiño de Porres. O Concello pide de antemán desculpas polas molestias que a medida poida ocasionar.

O Concello contrata a redacción da modificación puntual do planeamento para ordear a implantación de campamentos de turismo en solo rústico

Ordear a implantación de campamentos de turismo en solo rústico, como campings e infraestruturas para autocaravanas, e dar maior seguridade xurídica a estas instalacións levou ao Concello de Valdoviño a contratar un estudo para a redacción da modificación puntual do planeamento. Así o explicou o alcalde, Alberto González, para informar a renglón seguido da adxudicación dese estudo. Os resultados darán pé a esa modificación necesaria que deberá seguir, a partir de entón, a tramitación administrativa correspondente.
 

Xoán Curiel convida este domingo aos máis pequen@s da casa a participar do seu concerto “A Casa do Terror”

No marco dos actos deseñados polo Concello de Valdoviño para celebrar este ano o Samaín, o auditorio da Casa da Cultura acollerá este domingo 3 de novembro o concerto titulado «A Casa do Terror», a cargo de Xoán Curiel. A entrada é de balde e libre, ata completar aforo.
 

O Concello plantea activar un servizo de madrugadores para facilitar a conciliación no CPI Atios e CRA O Esquío

O alcalde, Alberto González, anima ás familias de Valdoviño con nenos e nenas no CPI Atios e escolas unitarias do CRA O Esquío a realizar a enquisa que estes días o Concello distribuíu nos centros educativos do municipio cun claro obxectivo: constatar a demanda dun servizo de madrugadores para favorecer a conciliación da vida laboral e familiar dos pais e nais.

O Concello celebra o Samaín con pasarrúas e contacontos no vello igresario de Loira

ACTUALIZACIÓN: ACTIVIDADE TRASLADADA Á CASA DA CULTURA POLA CHOIVA.
 
A celebración do Samaín que organiza o Concello de Valdoviño este ano arrancará este venres, ás 17,45 horas no vial de acceso ás naves de Cándido Hermida. Dende alí, nenos e nenas e maiores partirán para percorrer o camiño máxico ata o vello igresario de Loira. Nesta liña, o Concello anima ás persoas interesadas en participar en acudir cos seus disfraces, cabazas e candeas.
 

Un total de 7 empresas optan ao contrato das obras de construción do aparcadoiro e reordenación dos accesos ás praias de Meirás

Recreación da intervención

Un total de 7 empresas presentaron a súa oferta ao proceso de contratación das obras de construción dun aparcadoiro disuasorio na contorna do campo de fútbol de Meirás nos terreos cedidos polos veciños da parroquia, así como nos viais municipais; os traballos de reordenación e mellora da accesibilidade ás praias de Punta Frouxeira e a construción dun campo de fútbol de herba artificial anexo ao terreo de xogo actual. Unha ambiciosa intervención orzamentada en 349.948,19 euros que financiarán Concello e Deputación provincial.

As imaxes da veciñanza sobre Compostela protagonizan a nova expo da Casa da Cultura

As imaxes que os veciños e veciñas fixeron no transcurso da viaxe organizada polo Concello de Valdoviño a Santiago de Compostela serán as protagonistas da nova exposición que, a partir de mañá, acollerá a Casa da Cultura. Xunto a elas, o público tamén poderá ver unha selección de fotografías realizadas polo Concello sobre a peregrinaxe a Santo André de Teixido.
 
A iniciativa forma parte do proxecto municipal «Dende os Camiños de Peregrinación ata o Xacobeo», deseñado polo Concello e cofinanciado pola Xunta de Galicia no marco do programa «O Teu Xacobeo».
 

O Concello invita a nen@s e maiores a celebrar o Samaín percorrendo o camiño ao vello cemiterio de Loira para asistir á función O espantamedos

O Concello de Valdoviño celebrará este ano o Samaín con diversas propostas culturais pensadas especialmente para o disfrute dos máis pequenos e pequenas da casa. Así, este venres, 1 de novembro, propón percorrer o camiño máxico á vella igrexa e cemiterio de Loira para asistir ao espectáculo «O espantamedos», a cargo da compañía Odaiko. E, o domingo día 3, participar no concerto que ofrecerá na Casa da Cultura Xoán Curiel, baixo o título «A Casa do Terror».
 

Páxinas

Subscribirse a noticias