Feirón de xullo: aeromodelismo e solidariedade

O feirón mensual de Valdoviño continúa dando os primeiros pasos e para a súa segunda edición, o 13 de xullo, amplía o seu horario a todo o día, polo que os postos estarán abertos dende as 09:00 horas ata última hora da tarde.
 
Nesta ocasión o feirón estará dedicado ao aeromodelismo, polo que as persoas que se acerquen polo recinto poderán atopar actividades relacionadas con esta especialidade, ademais dos postos habituais.
 
Poñeremos a disposición dos veciños unha exposición estática de aeromodelismo, que será levada a cabo polo Club de Vuelo As Gaivotas e que consistirá no seguinte:
 

  • Avións e helicópteros de distintos tamaños.
    1. Entrenadores.
    2. Cazas.
    3. Maquetas.
    4. Acrobáticos.
  • Demostración de voo con octocópteros.
    1. Voo cada hora.
    2. Grabación de video.
    3. Voo en primeira persoa (FPV).
  • Explicación das distintas modalidades de voo.
  • Bautismo aéreo virtual.
    1. Voo dun aeromodelo nun simulador.
    2. Entregarase diploma acreditativo.

 
A partir das 18:30 horas a Asociación de Empresarios de Valdoviño e a Asociación de Baixada de Carrilanas comenzarán a elaborar sendas paellas populares para empezar a servilas de forma gratuita cara ás 19:30 horas. Para poder degustar a paella unicamente haberá que traer un alimento non perecedero que será recollido por persoal de Cáritas Valdoviño para posteriormente repartilo entre os veciños máis necesitados do municipio.
 
Dende o Concello de Valdoviño apelamos a solidariedade dos veciños e visitantes para que acudan o feirón e á degustación da paella popular e aporten o alimento non perecedero para Cáritas.