Rede Xiana 2

RedeXiana2 é unha iniciativa para o fomento do emprego promovida pola Deputación da Coruña en colaboración cos 91 concellos da provincia de menos de 50.000 habitantes. É un proxecto cofinanciado polo Fondo Social Europeo e unha aposta firme pola creación de emprego nos concellos da provincia, de xeito que se incrementen as posibilidades de inserción no ámbito local mais próximo.
 
O Concello de Valdoviño é un dos concellos colaboradores deste proxecto. Forma parte da Zona 2, xunto cos concellos de Ares, Fene, Mugardos, Narón, Neda e San Sadurniño.
 
Vai dirixido tanto a persoas que desexan recibir unha formación para mellorar as súas posibilidades de emprego, como a aqueles que queren crear a súa propia liña de negocio, como a empesas que apostan por reflectir positivamente no territorio onde realizan as súas actividades.
 
Se participas na formación terás apoio e orientacion coa finalidade de construír o teu propio itinerario de inserción laboral.
 
O obxectivo é que traballes nun proxecto persoal e profesional propio, de xeito que como persoa beneficiaria sexas protagonista activa das accións de inserción social e laboral que desenvolves.
 
Todos os itinerarios inclúen:

  • Formación
  • Prácticas en empresas
  • Asesoramento laboral

As accións formativas concedidas para o Concello de Valdoviño neste novo proxecto son as seguintes:

  • Obradoiros de emprego, Habilidades sociais e comunicativas, Alfabetización Informática, Responsabilidade Social, Busca de emprego e NTIC, Apoio e preparación para as probas de competencias clave e Prevención de Riscos LAborais. SEDE: Ares.
  • Montador de Estruturas Metálicas UC9365 e Montador de Estruturas Metálicas UC9369/UC9370. SEDE: Fene.
  • Comercialización e venda electrónica, Xerente de empresas de economía social, Medio ambiente na agricultura e Actividades Auxiliares na agricultura. SEDE: San Sadurniño.

 
Os requisitos para formar parte das accións formativas son os seguintes:

  • Estar desempregado/a e inscrito na Oficina de Emprego correspondiente coa tarxeta de demandante de emprego debidamente actualizada.
  • Ter cumpridos 18 anos.
  • Estar empadroado/a nalgún dos municipios adheridos ao proxecto.
  • Presentar algunha destas situacións especiais: migrantes, minorías étnicas, discapacidades recoñecidas, doenzas crónicas, familias monoparentais, responsable de persoas dependentes, problemáticas socio-familiares, reincorporación ao mercado laboral, percepción de RISGA, primeiro emprego, outros...

En función dos cursos nos que desexe inscribirse, debera cumprir cos requisitos de formación para cada unha das accions formativas.
 
A documentación a presentar será a seguinte: Formulario de inscrición, fotocopia do DNI ou NIE, fotocopia da tarxeta de demandante de emprego actualizada, volante de empadroamento, informe de vida laboral actualizado. De posuir situación especial, acreditarase documentalmente. Para a fase de selección aportarase copia da titulación que acredite a posesión de formación académica ou competencias clave adquiridas, copia da titulación que acredite a participación en outros cursos de formación e copia da experiencia profesional se fora o caso.
 
O prazo para inscribirse comeza o 15 de abril e remata o 3 de maio. Lugar: Dpto. de Servizos Sociais Comunitarios. Cita previa no teléfono 981487041-ext.5.