Cubertas as prazas para participar na ruta guiada pola zona mineira do Porto

En menos de dous días, as prazas para participar na ruta guiada pola antiga zona mineira do Porto quedaron cubertas. A iniciativa, organizada polo Concello e a Asociación Valdoviño Azul, celebrarase o vindeiro domingo 28 de xullo ás 11,30 horas. Non é a primeira vez que administración e entidade se unen na celebración desta ruta que, día a día, gaña seguidores.
 
O punto de encontro é a caseta da praia dos Botes, de 11,15 a 11,30 horas e, dende aí, iniciarase o percorrido, con introdución á flora da zona.
 

Cine nocturno ao aire libre en Valdoviño coa proxección de “La Sombra de la Ley”

O Concello de Valdoviño convida á veciñanza a unha sesión de cine nocturno ao aire libre este xoves 18 de xullo. Será na praza da Casa da Cultura, onde se proxectará o thriller «La Sombra de la Ley». O pase dará comezo ás 22,45 horas e está recomendado para persoas maiores de 16 anos. Unha proposta cultural que conta co apoio da Deputación provincial a través da Rede Cultural.
 

O Concello saca a contratación o acondicionamento de camiños en Aviño, Lago e Meirás por valor de 60.000 euros

O alcalde, Alberto González, informou esta mañá de que o Concello vén de sacar a contratación as obras de acondicionamento de catro camiños nas parroquias de Aviño, Lago e Meirás por importe de 59.245,64 euros. Os traballos, cun prazo de execución de cinco meses, financiaranse con cargo a unha axuda de Agader.
 

Concello e Valdoviño Azul organizan unha nova ruta guiada pola zona mineira do Porto

Ruta pola zona mineira

O Concello, a través da Concellería de Cultura, e a Asociación Valdoviño Azul únense de novo para organizar unha ruta guiada pola antiga zona mineira do Porto. A iniciativa, segundo explicou o alcalde, Alberto González, celebrarase o domingo 28 de xullo ás 11,30 horas. As prazas son limitadas e a participación é gratuíta, aínda que se precisa de inscrición previa.
 
Así, as persoas interesadas deben formalizala na Casa da Cultura ou no teléfono 981 48 76 66 hoxe, 16 de xullo, o 17, 23 e 24 de xullo, de 11 a 13 horas.
 

CD Rosalía, Meirás CF e SD Valdoviño disputarán o XXIX Triangular de Fútbol Concello de Valdoviño

O campo de fútbol de Meirás acollerá este ano a XXIX edición do Triangular de Fútbol Concello de Valdoviño. No mesmo, tomarán parte o CD Rosalía de Vilaboa, a SD Valdoviño e o Meirás CF.
 
Onte pola mañá, os representantes dos clubes –José Luis Campos (presidente da SD Valdoviño); Juan Manuel Sabín (secretario do CD Rosalía); Juan Carlos Aneiros (presidente Meirás CF) e Marcos Casal Castro (adestrador do equipo xuvenil feminino do Amistade de Meirás)- acudían á casa consistorial para participar no sorteo dos encontros, presidido polo alcalde, Alberto González.
 

Páxinas

Subscribirse a Concello de Valdoviño RSS