O Océano Surf Museo amplía horarios durante o Campionato de España de Surf

Coincidindo coa celebración do Campionato de España de Surf na Frouxeira, o Océano Surf Museo, o primeiro e único de España desta temática, amplía esta semana os horarios de apertura. Así, dende hoxe e ata o vindeiro venres, poderá visitarse de 12 a 14 horas e, tamén, de 17 a 20 horas. A fin de semana, como é tradición, será de 12 a 14 e de 16 a 19 horas. A entrada é gratuíta e o alcalde, Alberto González, convida a veciños e visitantes a aproveitar a ocasión e achegarse a estas instalacións, emprazadas na primeira pranta da Casa da Cultura.
 

Pantín albergará a finais de setembro o Campionato Mundial de Waveski Surfing

Presentación do evento deportivo

A praia de Pantín acollerá este ano o Campionato Mundial de Waveski Surfing, un deporte dinámico que combina o poder do remo de kaiak coa maniobrabilidade e o rendemento dunha táboa de surf. Será do 23 ó 30 de setembro e, a tres meses da súa celebración, preto de 90 deportistas procedentes de 14 países como Australia, Sudáfrica ou Arxentina xa confirmaron a súa asistencia.

A Casa da Cultura de Valdoviño acolle este sábado a XXXI Mostra da Canción Coral

O auditorio da Casa da Cultura de Valdoviño acollerá este sábado, 23 de xuño, a XXXI edición da Mostra da Canción Coral. Unha cita de referencia na comarca para os amantes da música coral. Dará comezo ás 19 horas, con entrada de balde ata completar aforo, e estará conducida por Andrés Vellón, delegado de La Voz de Galicia en Ferrol.
 

Presentación da 6ª Xtreme Pantín este venres na Casa da Cultura de Valdoviño

Cartel XTreme Pantín

A Casa da Cultura de Valdoviño acollerá mañá venres, 22 de xuño, a presentación oficial da 6º edición de Xtreme Pantín, que celebrará o Campionato Mundial de Waveski Surfing. O acto dará comezo ás 19,30 horas coa presenza do alcalde, Alberto González, así como representantes da Deputación, das Federacións de Piragüismo, Asociación Mundial de Waveski, sponsors e entidades colaboradoras. A entrada é libre.
 

O Concello de Valdoviño pon en servizo as duchas da Frouxeira obxecto de vandalismo

O Concello de Valdoviño informou esta mañá de que as duchas da praia da Frouxeira, obxecto de actos vandálicos durante a pasada fin de semana, volven a estar operativas. A Concellería de Servizos concluía onte as tarefas de reparación e a reposición dos cabezais, sustraídos en todos e cada un destes elementos emprazados ó longo do areal. 

Páxinas

Subscribirse a Concello de Valdoviño RSS