O Concello poderá destinar os 328.527,51 euros do superávit de 2019 a gasto e investimento en servizos sociais

Alcaldía daba conta no último pleno celebrado a semana pasada do decreto de liquidación do 2019, constatando un superávit de 328.527,51 euros e un remanente de 1.190.464,51 euros. Nesta liña, o alcalde, Alberto González, informou de que o municipio cumple coas reglas de gasto, estabilidade financiera e periodo medio de pago a proveedores, que no primeiro trimestre do ano foi de 18 días. Que significa na práctica? González explica que o Concello poderá destinar o superávit a gasto social. Máis concretamente, a actuacións sociais necesarias a raíz do estado de alarma xerado polo COVID-19.

Os Concellos da Mancomunidade compartirán documentación para facilitar a adopción de medidas coas que paliar os efectos económicos da epidemia de coronavirus

Reunión por videoconferencia

A Mancomunidade de Concellos da Comarca de Ferrol celebrou esta mañá, entre as 12 e as 13,20 horas, unha nova reunión por videoconferencia. As administracións locais están a xogar un papel clave na xestión da crise, e deben tomar decisións complexas ante unha situación sen precedentes. Neste sentido, o órgano supramunicipal está servindo para que os responsables locais intercambien información sobre as situacións ás que se enfrontan e a maneira de articularse con outras administracións.

O Concello habilita unha conta para canalizar a solidariedade veciñal cara os servizos sociais municipais

Conta solidaria

O Concello de Valdoviño informou esta mañá dunha conta específica aberta para os Servizos Sociais municipais. Dase así resposta ás peticións trasladadas por veciños e veciñas, empresas e negocios locais que desexan realizar unha aportación económica solidaria nesta situación de alarma sanitaria. Unha axuda que xa se materializou en casos como o da Fundación da Cooperativa de Vilaboa, que entregaba un cheque por valor de 6.000 euros para contribuír aos programas do departamento municipal.
 

Obxectivo prioritario do voluntariado do Concello de Valdoviño: nin unha soa persoa maior de 80 anos sen atención

As nosas voluntarias

Teresita, Lara, Alberte, Jorge… e así ata 26 homes e mulleres, veciños e veciñas de todas e cada unha das parroquias de Valdoviño, integran o grupo de voluntariado impulsado polo Concello para facer fronte ao coronavirus axudando a quen máis o precisa. Estudantes de psicoloxía, veterinaria, militares, farmacéuticos, autónomos… a súa actividade é moi diversa e a coordinación recae en Teresa, profesora con ampla experiencia en voluntariado (en entidades como Cruz Vermella e Asotrame). 22 deles/as están en activo, participando nos programas creados, e outros/as 4 na «reserva».

Entregadas máis de 3.000 pantallas faciais creadas polos Makers Valdoviño

Arquitecto Marcide

Hai apenas 3 semanas nacía en Valdoviño o movemento Maker Solidario. Capitaneado pola arquitecta técnica Reyes Montero, xefa do departamento de tecnoloxía do CPI Atios, e a estudante Alex Beceiro, este equipo está hoxe en día integrado por 31 homes e mulleres, de Valdoviño principalmente, pero tamén doutros concellos limítrofes como Ares, Fene, Ferrol, Mugardos, Narón, Neda e incluso Vilalba. E, en apenas 3 semanas, xuntos crearon coas súas impresoras 3D 3.079 pantallas faciais contra o coronavirus (a cifra é do sábado, pero seguro que hoxe xa medrou considerablemente).
 

Páxinas

Subscribirse a Concello de Valdoviño RSS