O Concello de Valdoviño celebra o VII Festival Solidario a favor de Cáritas

Valdoviño celebrará o sábado 6 de abril a VII edición do Festival Solidario a favor de Cáritas, unha cita que promoven as entidades veciñais, culturais, deportivas, a ANPA e a asociación de amas de casa coa colaboración do Concello e das empresas Paula Raamonde Varela, Pabulandia e Industrias ET. En horario de mañá, a cita terá como escenario o pavillón do CPI Atios, namentras que pola tarde as actividades trasladaranse á Casa da Cultura. Así mesmo, a veciñanza pode colaborar cos seus donativos, que se establecen en tres euros.
 

O Concello de Valdoviño promove un novo curso de alfabetización dixital

O Concello de Valdoviño, a través da Concellería de Cultura, promove o Curso de alfabetización dixital: Informática básica con Internet. Unha acción formativa de 20 horas que se desenvolverá entre o 8 de abril e o 10 de xuño.
 

Diego Fernández, fisioterapeuta da clínica REHAFIS, ofreceu unha charla sobre a saúde na infancia para as familias do PAI

Diego Fernández González, fisioterapeuta da Clínica REHAFIS de Valdoviño, acudiu o pasado venres á Xuntanza coas familias que celebra cada mes o Punto de Atención á Infancia-Aula da Natureza para ofrecer a pais e nais a charla «A saúde na infancia». Nela, tocou temas coma enfermidades respiratorias na infancia ; que é e como actuar nos casos de cólico do lactante e tamén algunhas maneiras de relaxación para os/as bebés.
 
Dende o Concello, quérese agradecer a colaboración da clínica REHAFIS e, especialmente, de Diego Fernández por ofrecer uns coñecementos tan valiosos.

A xogadora internacional de balonmán Alicia Fernández Fraga, mellor deportista da primeira Gala do Deporte de Valdoviño

Foto de familia dos premiados e premiadas coa corporación e o xurado

O seu currículum abruma. Internacional coa selección nacional de balonmán, campiona da Liga española, da Copa da Reina, da Supercopa e, no 2018, subcampiona da Copa Romaniel, en Romanía, onde xoga na actualidade. A xogadora de balonmán Alicia Fernández Fraga foi elixida este venres a mellor deportista local na primeira edición da Gala do Deporte de Valdoviño. Agradecía o premio na distancia, a través dunha mensaxe en vídeo que se proxectou no auditorio da Casa da Cultura, xa que non puido viaxar á súa localidade.

Valdoviño celebra a súa I Gala do Deporte

O auditorio da Casa da Cultura acollerá este venres 22 de marzo a primeira edición da Gala do Deporte de Valdoviño, organizada pola Concellería de Deportes que dirixe Sergio Saavedra. Un acto de entrega de galardóns co que o Concello, segundo explicou o alcalde, Alberto González, quere recoñecer e pór en valor os méritos dos deportistas locais ao longo do pasado exercicio, pero tamén o incrible labor de entidades, clubes e veciños a prol da promoción do deporte no Concello.

Páxinas

Subscribirse a Concello de Valdoviño RSS