O Concello agradece o traballo dos operarios, policías locais e Protección Civil durante a situación de alerta por temporal

O alcalde, Alberto González, quixo agradecer publicamente o extraordinario traballo realizado polos operarios municipais, axentes da Policía Local e integrantes de Protección Civil durante a pasada fin de semana. Nalgúns casos, incluso renunciando aos seus días de vacacións para atender as necesidades de intervención derivadas do temporal. Tamén ás empresas encargadas do mantemento eléctrico e á concesionaria do servizo de auga, en alerta ante a situación xerada.

O Concello de Valdoviño mellorará o acceso e peche do local social de Vilaboa

As obras de mellora nos locais sociais de Valdoviño impulsadas polo Concello continuarán na parroquia de Vilaboa. Así, o alcalde, Alberto González, avanzaba que, a instancias da veciñanza, o Concello procederá á mellora do acceso e acondicionamento do peche do inmoble, antiga escola unitaria. Será con cargo ao POS Complementario 2019, e a intervención financiarase conxuntamente coa remodelación do antigo palco da música de Loira. En suma, un investimento superior aos 100.000 euros.
 

A veciñanza pode recoller gratuitamente os calendarios municipais do 2020 na casa consistorial e na casa da cultura

Acto celebrado na Casa da Cultura

O alcalde, Alberto González, informou esta mañá de que a veciñanza pode recoller gratuítamente o seu calendario municipal para o 2020 tanto na casa consistorial como na casa da cultura. A publicación, que foi presentada no día de onte nun acto público, tamén se distribuirá entre as entidades veciñais e culturais e as cooperativas do municipio. En total, o Concello editou 3.000 exemplares.
 

Aprobación provisional da ordenanza da taxa por expedición de documentos administrativos

Vén de publicarse o anuncio da aprobación provisional da ordenanza reguladora da taxa por expedición de documentos administrativos do Concello de Valdoviño. O expediente sométese a información pública por 30 días, a partir da súa publicación no BOP.

A Casa da Cultura acolle este domingo a presentación oficial do Calendario 2020

A Casa da Cultura de Valdoviño acollerá este domingo 22 de decembro a presentación oficial do calendario municipal para o 2020. Un acto que dará comezo ás 19 horas con entrada de balde e un calendario moi especial, xa que se elaborou coas imaxes presentadas pola veciñanza á convocatoria aberta polo Concello. Así, este ano ilustrarán os diferentes meses fotografías de Cristina Freire, Esperanza Vázquez, Inés González, Gustavo Lamas, Jacobo Núñez, María Aneiros, Mario Rodríguez, Álvaro Núñez, Carlota Montero, Alberto Valero e María Hermitas Couce.
 

Páxinas

Subscribirse a Concello de Valdoviño RSS