Activado o protocolo de mamíferos mariños

O Concello de Valdoviño activou o protocolo de mamíferos mariños, despois de que aparecese un golfiño morto na praia da Frouxeira.
 
A CEMMA identificou a especie e realizou a necropsia, sinalando que a causa máis probable da morte é o enguedellamento con artes de pesca.

A Mancomunidade recibe o premio Coopera Galicia

Momento da entrega do premio

A Mancomunidade de Concellos da Comarca de Ferrolterra vén de recibir o premio Coopera Galicia Entidades Locais 2015, polo seu proxecto da Casa de acollida de mulleres, un centro que atende a todos os concellos mancomunados.
 
O acto, no que Valdoviño estivo representado polo concelleiro Benito Vega, tivo lugar en Santiago de Compostela.
 

Recollida de suxestións para o PXOM

Compoñentes do equipo de Goberno estarán este venres na Casa da Cultura para recoller suxestións dos veciños sobre o Plan Xeral de Ordenación Urbana (PXOM), así como para realizar as aclaracións necesarias sobre a documentación de traballo do Plan. Será entre as cinco e as oito da tarde.
 

Curso de Fruticultura (Rede Xiana2)

Curso de AGAF0108 Fruticultura (RD 1228/2006, de 27 de outubro, BOE de 3 de xaneiro de 2007)
Lugar: Cerdido
Duración: 880 horas

Participación veciñal no PXOM

O Concello de Valdoviño quere contar coa participación de toda a veciñanza na elaboración do Plan Xeral de Ordenación Urbana (PXOM). Con este obxecto ábrese un período de recepción de suxestións.
 
Os veciños poderán enviar os seus comentarios durante un prazo dun mes, acabado o cal o equipo redactor do Plan estudiará as propostas presentadas e incorporará no documento aquelas que se consideren viables. É importante subliñar que se trata dun período de propostas de mellora do PXOM, non de alegacións particulares, fase que terá o seu tempo máis adiante.

Páxinas

Subscribirse a Concello de Valdoviño RSS