Máis de 1.300 persoas sumaranse á I Andaina Solidaria contra o Neuroblastoma en memoria de Brais

Espectacular, extraordinaria, inesperada e, sobre todo ilusionante, é a resposta cidadá que está a obter a I Andaina Solidaria contra o Neuroblastoma en memoria de Brais, convocada pola familia e amigos do neno valdoviñés co apoio do Concello. Unha andaina que a día de hoxe supera as 1.300 persoas anotadas e que, a pesares de pechar o prazo de inscrición o 1 de xuño, segue a sumar apoios. Ben en forma de inscricións ben de donativos ben de agasallos para colaborar co sorteo que se realizará ó remate entre aqueles que adquiran as rifas.

O Concello reedita a súa aposta por Concilia Verán, ocio didáctico para nenos e nenas en xullo e agosto

O alcalde, Alberto González, avanzou esta mañá que o Concello, a través da Concellería de Servizos Sociais, reeditará este ano o programa municipal Concilia Verán. Un recurso para favorecer a conciliación familiar e laboral das familias do municipio nas vacacións escolares e unha completa oferta de actividades de ocio didáctico para os máis pequenos e pequenas da casa, como roteiros, xogos, deportes, natureza, investigación…
 

O grupo de teatro Arjé do IES Breamo trae este domingo a Valdoviño Final de película

Arjé na Casa da Cultura de Valdoviño

O grupo de teatro Arjé do IES Breamo de Pontedeume porá en escena este domingo 10 de xuño, a partir das 20 horas, a obra « Final de película », do autor contemporáneo Gustavo Pernas. Unha obra moi crítica coa sociedade actual, tocando aspectos como o machismo e a xenofobia.
 
A obra é recomendable para un público de 14 anos en adiante e a entrada será gratuíta até completar o aforo.
 

As “lecturas compartidas fóra do centro” CPI Atios pechan este venres o curso en Valdoviño e Vilarrube

Sesión de Lecturas compartidas en Vilaboa

O programa “Lecturas compartidas fóra do centro” que impulsan o CPI Atios e o Concello de Valdoviño celebrará mañá venres, 8 de xuño, a última sesión do curso escolar. E farao por partida doble, trasladándose ás parroquias de Valdoviño e Vilarrube. Así, o alumnado de 4º A desprazarase ata o local social de Vilarrube e, a clase de B, á Casa da Cultura de Valdoviño. En ambos escenarios levarase a cabo un encontro interxeneracional entre rapaces e rapazas e as persoas maiores das parroquias e, en ambos casos, comezará ás 10,30 horas.

Aprazada ata novo aviso a III Volta ás Forcadas do Concello de Valdoviño

O Concello de Valdoviño, a través da Concellería de Deportes, informou esta mañá de que a Volta ás Forcadas prevista para este domingo queda aprazada ata novo aviso. O departamento municipal viuse obrigado a tomar esta medida por problemas técnicos e pide desculpas de antemán polas posibles molestias ocasionadas. Así mesmo, comprométese a que, en canto lle sexa posible, informará da nova data para a celebración da proba, incluída no calendario do 3º Circuito CORRE POLO NORTE.
 

Páxinas

Subscribirse a Concello de Valdoviño RSS