O Concello abre mañá o prazo de presentación de solicitudes para optar á praza de técnico do Océano Surf Museo

O alcalde de Valdoviño, Alberto González, avanzou esta mañá que o Concello procederá á contratación laboral temporal dun técnico para a atención do Océano Surf Museo, así como que creará unha bolsa de emprego. Unha contratación que a Administración local financiará con cargo a unha subvención da Deputación provincial da Coruña.

Proxección de “Cien años de perdón” este xoves na praza da Casa da Cultura

Cartel filme

O Concello de Valdoviño inaugura este xoves a programación cultural do mes de agosto cunha nova sesión de cine nocturno ó aire libre. Na praza da Casa da Cultura, a partir das 22 horas, proxectarase a película «Cien años de perdón», un thriller recomendado para maiores de 12 anos. O pase, incluído na Rede Cultural da Deputación provincial da Coruña, trasladarase ó interior do centro cultural en caso de choiva.
 

Ruta pola costa de Valdoviño para afondar na traxectoria e teses da científica Ángeles Alvariño

O ciclo de andainas «Monumenta divulga» que impulsa a Consellería de Cultura chega a Valdoviño. No municipio está programada a andaina «O oceáno dende a costa de Ángeles Alvariño». Será o 12 de agosto, a partir das 11 horas, con punto de partida na praia dos Botes, na costa do Portiño de Meirás. Un percorrido polas penínsulas do Portiño e A Frouxeira con visita ás inmediacións do faro, á punta que leva o mesmo nome e á costa que mira cara ao extenso areal de Valdoviño, que será a última parada.

Evangelina Hermida presenta este sábado o seu libro “Versos desde a marquesina”

Presentación literaria

Evangelina Hermida, veciña de Valdoviño e unha das protagonistas do Día da Muller celebrado no municipio hai dous anos, presentará mañá sábado, ós 88 anos, a súa primeira obra literaria, titulada “Versos desde a marquesina”. Toma o nome do espazo que cada día soe ocupar xunto a outras veciñas na estrada de baixada á praia da Frouxeira, coñecido xa popularmente como a Moncloa polos debates e conversas que se xeneran no mesmo. Sobre Valdoviño e moitos outros temas, incluídos a política, trata “Versos desde a marquesina”.

Renovada consulta para a matrona e nova sala para educación maternal no Centro de Saúde de Valdoviño

O xerente da Área Sanitaria, xunto ó alcalde, o concelleiro de Obras e o xefe de servizo do centro de saúde

A Xerencia Integrada de Ferrol investiu un total de 22.770 euros nas obras para habilitar estas melloras no centro de saúde
 
Activábase tamén hai uns meses unha sala de extraccións con catro postos e reformábase o espazo de admisión cun investimento superior ós 6.000 euros
 

Páxinas

Subscribirse a Concello de Valdoviño RSS