Licitacións en curso e adxudicacións

O Concello vén de licitar as obras de Reparación e mellora do firme en pistas parroquias de abaixo e Reparación e mellora do firme en pistas parroquias de arriba . Estas e outras tres contratacións máis están abertas e toda a súa información dispoñible no Perfil de contratante da web.
 

Curso exprés de hostalaría

O Concello de Valdoviño organiza un Curso exprés de servizos básicos de restauración, a celebrar os días 8 e 9 de outubro na Casa da Cultura. As persoas interesadas en participar no curso, que é gratuíto, deben inscribirse na Casa da Cultura de 11:00 a 13:00 horas ou de 16:00 a 19:00 horas ou chamando ao 981 487 666 no mesmo horario.
 
As prazas son limitadas e con preferencia para persoas empadroadas en Valdoviño. O único requisito é ter un mínimo de 16 anos.

Horario: mércores 8 e xoves 9 de outubro, de 15:00 a 18:00 horas.
 
Contido:

Concurso de ideas para a asignación de nome a rúas de Valdoviño

Novo rueiro de Valdoviño

Algunhas das rúas do núcleo urbano de Valdoviño non teñen nome, o que dificulta a súa identificación e a numeración das edificacións existentes. Para cambiar esta situación, o Concello de Valdoviño porá nome a 69 rúas do núcleo de Atios e o seu entorno máis inmediato.
 
Co obxectivo de facer esta selección dun xeito completamente aberto e participativo, convócase un concurso público de ideas, destinado a escoller o nome desas vías.
 

Bases da convocatoria de subvencións dirixidas ás familias para material escolar (curso 14/15)

Constitúe o obxecto das presentes bases, a regulación da convocatoria pública, por parte do Concello de Valdoviño, para a tramitación e concesión de subvencións destinadas a familias, para os gastos de material escolar (infantil, primaria e secundaria).
Ábrese o prazo dende a publicación deste anuncio ata o 30 de Outubro de 2014.
 
Máis información: ver en convocatorias ou chamando ao tlf. 981487041-ext.5

 

Contratación da limpeza de cunetas e obra de drenaxe nas parroquias

O Concello de Valdoviño vén de licitar a limpeza de cunetas e obras de drenaxe nas parroquias de Pantín, Vilarrube, Vilaboa e Loira, obra incluída no POS 2014. Toda a información referente a esta contratación atópase no apartado correspondente do Perfil de contratante: Limpeza de cunetas e obra de drenaxe.
 

Páxinas

Subscribirse a Concello de Valdoviño RSS