O sonoro maxín en Valdoviño

Este domingo 30 de agosto chega O sonoro maxín (a onda sonora na rúa) a Valdoviño.
 
Banda formada por músicos procedentes de Lamatumbá, Cinnamon, Gum, Mutenrohi e The Pigmalions, teñen compartido escenarios con músicos como Manu Chao. A actuación, dirixida a todos os públicos, comeza ás 19:30 horas no parque da praia da Frouxeira.

Gonnaba gaña o Ociosol de fútbol sala

Os dous equipos finalistas
O alcalde entrega o trofeo
O alcalde entrega o trofeo

O torneo de fútbo sala Ociosol 2015 rematou co trunfo de Gonnaba, que se impuxo na final ao Esteagüa de Mondariz. O partido estivo moi disputado, decidíndose o campionato na tanda de penaltis.
 
O fútbol toma o relevo deportivo, coa celebración a partir das 17:30 deste sábado do XXV Torneo de fútbol Concello de Valdoviño. O campo do Lameiro de Vilaboa acolle o campionato, coa disputa das semifinais Lago veteranos - Rosalía e Meirás - Valdoviño e as finais.
 

Sondeo sobre demanda do Punto de Atención á Infancia

O concello de Valdoviño está a traballar na posibilidade da apertura do Punto de Atención á Infancia, un recurso que acolla a nenas e nenos entre 0 e 3 anos durante o día, a cargo de profesionais do ámbito infantil e educativo. Para valorar a necesidade do servizo e precisar as condicións, prégase a participación da veciñanza interesada, co obxectivo de facer un sondeo das necesidades xerais.
 

Asinado o convenio de colaboración co Pantín Classic

Sinatura do convenio
Outro momento da sinatura do convenio

O alcalde de Valdoviño, Alberto González, e o director do Pantín Classic, Miguel Galeiras, asinaron na mañá deste venres o convenio de colaboración para a organización dunha nova edición do campionato mundial de surf, que se celebrará entre os días 1 e 6 de setembro.
 
O 28º Pantín Classic Galicia Pro mantén a súa categoría QS 6000 (antigas seis estrelas) na proba feminina e QS 1500 (3 estrelas) na masculina, o que permitirá un ano máis ter na praia de Pantín a algúns dos mellores surfistas mundiais.
 

Teatro para toda a familia

O domingo ás 19:30 horas Falabaratas representará Sopa verde, unha obra de teatro para toda a familia, especialmente recomendable para o público infantil. A posta en escea terá lugar no parque da praia da Frouxeira.
 
Ademais, dende esta semana, e ata o 31 de agosto, está aberta unha mostra da obra pictórica de Víctor García Novás. O horario de visita na Sala de exposicións municipais é de luns a venres de 10:00 a 13:00 horas e de 19:00 a 21:00 e os sábados de 12:00 a 14:00 horas.

Páxinas

Subscribirse a Concello de Valdoviño RSS