O Concello aproba os investimentos a realizar con cargo aos fondos provinciais 2020

O alcalde de Valdoviño, Alberto González, anunciou a aprobación en pleno, por unanimidade, dos investimentos que o Concello realizará con cargo aos diferentes plans e programas provinciais para o 2020. Así, a Achega 2019, por un importe de 51.909,44 euros destinarase á mellora dos locais sociais de Montefaro –Meirás- e Vilaboa, continuando coas actuacións xa realizadas en inmobles municipais como a reforma integral do de Aviño e a dotación dun módulo de aseos en Loira –coa próxima rehabilitación integral a punto de saír a licitación-.

Arranca o curso de xestión do estrés e riscos psicosociais no servizo de axuda a domicilio

Inauguración da acción formativa

O salón de plenos do Concello de Valdoviño acolle dende hoxe e ata este xoves o curso de Xestión do Estrés e Riscos Psicosociais no Servizo de Axuda a Domicilio dirixido a persoas traballadoras no sector, aínda que aberto a todo o mundo interesado no tema. Dez mulleres toman parte na iniciativa organizada pola Concellería de Servizos Sociais e esta tarde o alcalde, Alberto González, dáballes a benvida, agradecíalles a súa asistencia e confiaba en que a acción formativa fose de utilidade.
 

Exhibición de Nadal dos alumnos e alumnas das actividades deportivas do CPI Atios

Cartaz da actividade

O pavillón do CPI Atios acollerá este mércores 18 de decembro a Exhibición das alumnas e alumnos das actividades deportivas que o Concello de Valdoviño organiza no centro escolar durante o curso. Así, participará o alumnado de patinaxe, ximnasia rítmica, patinaxe artístico, karate e atletismo.
 
Unha cita con entrada libre e de balde na que os máis pequenos e pequenas do municipio darán conta das súas habilidades e do aprendido nestes primeiros meses.
 

O prazo para anotarse no programa municipal Concilia Nadal! conclúe este luns

As concellerías de Servizos Sociais e de Deportes poñerán en marcha o programa municipal «Concilia Nadal!». Está dirixido a nenos e nenas de entre 3 e 12 anos, e desenvolverase nas instalacións do CPI Atios en horario de mañá, de 9,30 a 14 horas. Así mesmo, e para quenes o soliciten, haberá un servizo de madrugadores dende as 8 horas. O prazo para anotarse concluirá este luns, 16 de decembro, e é preciso inscribirse no departamento municipal de Servizos Sociais –planta baixa da consistorial ou teléfono 981 48 70 41 extensión 5-.
 

Concello e movemento asociativo arrancan este domingo a X Campaña “Na Caixa do Correo do Nadal, comparte ilusións”

Un ano máis, e xa van dez, Concello e entidades veciñais e culturais do municipio unen esforzos na organización da Xuntanza Solidaria de Nadal. Celebrarase este domingo 15 de decembro, a partir das 16,30 horas, na Casa da Cultura e, como é tradición, a cita inclúe unha chocolatada e a visita do apalpador, así como un espectáculo a partir das 18 horas no auditorio. Neste caso, Iseo A Moura, función dirixida a un público familiar.
 

Páxinas

Subscribirse a Concello de Valdoviño RSS