A Casa da Cultura de Valdoviño acolle este sábado a XXXI Mostra da Canción Coral

O auditorio da Casa da Cultura de Valdoviño acollerá este sábado, 23 de xuño, a XXXI edición da Mostra da Canción Coral. Unha cita de referencia na comarca para os amantes da música coral. Dará comezo ás 19 horas, con entrada de balde ata completar aforo, e estará conducida por Andrés Vellón, delegado de La Voz de Galicia en Ferrol.
 

Presentación da 6ª Xtreme Pantín este venres na Casa da Cultura de Valdoviño

Cartel XTreme Pantín

A Casa da Cultura de Valdoviño acollerá mañá venres, 22 de xuño, a presentación oficial da 6º edición de Xtreme Pantín, que celebrará o Campionato Mundial de Waveski Surfing. O acto dará comezo ás 19,30 horas coa presenza do alcalde, Alberto González, así como representantes da Deputación, das Federacións de Piragüismo, Asociación Mundial de Waveski, sponsors e entidades colaboradoras. A entrada é libre.
 

O Concello de Valdoviño pon en servizo as duchas da Frouxeira obxecto de vandalismo

O Concello de Valdoviño informou esta mañá de que as duchas da praia da Frouxeira, obxecto de actos vandálicos durante a pasada fin de semana, volven a estar operativas. A Concellería de Servizos concluía onte as tarefas de reparación e a reposición dos cabezais, sustraídos en todos e cada un destes elementos emprazados ó longo do areal. 

Os muros do Punto de Atención á Infancia lucirán un gran fondo mariño creado por nenos, nenas e familias

Inicio dos traballos no PAI

Brocha en man, Matilde, Otto, Amanda e Matías comezaban esta mañá a crear o gran mural que lucirá o Punto de Atención á Infancia de Valdoviño. Un mural que cubrirá todo o muro que circunda a zona verde anexa ó inmoble, e que alberga o patio infantil no que xogan todos eles cando vén o bo tempo e a horta que coidan durante todo o ano. Uns 30 metros ata hoxe de pintura verde que, a próxima semana, se convertirán nunha explosión de cores cunha temática común: o mar.

O Concello traslada os cursos de natación á piscina da Saíña, ante a imposibilidade de abrir as instalacións municipais de Lago

Programa de actividades

O alcalde, Alberto González, sinalou que a prioridade era garantir a programación municipal para nenos e maiores
 
A piscina de Lago presenta problemas estruturais e as obras retrasáronse polos cambios normativos na Lei de Contratos
 
Hoxe ábrese o prazo de inscrición nos cursiños de natación para nenos e adultos e tamén aquagym
 

Páxinas

Subscribirse a Concello de Valdoviño RSS