A Casa da Cultura acolle este sábado o Festival Musical na honra de Santa Icía

Organizado pola ACR A Frouxeira coa colaboración do Concello de Valdoviño, o auditorio da Casa da Cultura acollerá este sábado 16 de novembro o Festival Musical na honra de Santa Icía. Será a partir das 18 horas, con entrada libre e de balde ata completar aforo.
 
No festival tomarán parte a coral Airiños da Capela, actuación incluída na Rede Cultural da Deputación provincial; a coral polifónica ferrolana A Magdalena, e o grupo local de boleros Los Nostálgicos.

O Concello de Valdoviño leva ao CPI Atios e CRA O Esquío os “Contos para o Bo Trato”

Sesión no CPI Atios

No marco do programa municipal de igualdade e prevención das violencias machistas «Somos e Contamos» que impulsa o Concello de Valdoviño, as concelleiras de Benestar Social e de Igualdade, Ana Belén Pérez e Pilar Caamaño, informaron da posta en marcha do proxecto «Contos para o bo trato». Lévase a cabo en colaboración do CPI Atios e o CRA O Esquío e celebrarase ao longo desta semana, coa vista posta na conmemoración do Día contra a Violencia de Xénero, o vindeiro 25 de novembro.
 

Arrancan os talleres de musicoterapia en Pantín, Sequeiro e Vilaboa

Sesión en Pantín

Un total de 33 veciños e veciñas maiores de 55 anos participan dende esta semana nos obradoiros de musicoterapia que, baixo o título «Ponlle ritmo á vida!», vén de poñer en marcha o Concello de Valdoviño nas parroquias de Pantín, Sequeiro e Vilaboa (inicialmente tamén se contemplaba Meirás, aínda que non se reuniu un mínimo de participantes para iniciar as sesións).

O Océano Surf Museo incorpórase á Rede de Espazos Museísticos Atlánticos

Océano Surf Museo

O Océano Surf Museo de Valdoviño vén de adherirse á Rede de Espazos Museísticos Atlánticos, tal e como acordou o consello da entidade na reunión celebrada o pasado venres no Centro de Extensión Universitaria e Divulgación Ambiental de Galicia (CEIDA), na que xa tomou parte o alcalde, Alberto González, en representación do municipio.
 

24 veciños e veciñas participan en Valdoviño e en Sequeiro nos cursos de manexo do móbil e do ordeador organizados polo Concello

Un total de 10 veciños e veciñas iniciaban esta mañá no centro comunitario o curso «Toma de contacto co computador» e, outros 14, farán o propio esta tarde na acción formativa sobre «Manexo do teléfono móbil ou smartphone» no local social de A Carreira (Sequeiro). Ambas iniciativas inclúense no programa municipal de igualdade e prevención das violencias machistas «Somos e Contamos», que impulsa o Concello de Valdoviño e, nesta ocasión, conta coa colaboración do INICE, que guía as sesións, subvencionadas polo Ministerio de Sanidade, Servizos Sociais e Igualdade.
 

Páxinas

Subscribirse a Concello de Valdoviño RSS