O traballo de Valentina Pena Bustabad, unha gran artista de 4 anos, elixido no certame da mascota 2020 do Museo do Surf

Mascota do Océano Surf Museo

O traballo presentado por Valentina Pena Bustabad, estudante de 5º curso de Educación Infantil no CPI Atios de Valdoviño, resultou o gañador do certame convocado polo Océano Surf Museo para elixir a súa mascota para este ano. Pequena en idade, xa que tan só ten 4 anos, pero grandísima en talento artístico, Valentina creou unha fermosa balea como imaxe do museo.
 

O Concello de Valdoviño amplía o programa “Concilia Mañás!” ás escolas unitarias

Servizo no CPI Atios

O alcalde, Alberto González, anunciou esta mañá que o Concello ten a intención de ampliar ás escolas unitarias o programa «Concilia mañás!», un servizo de conciliación da vida laboral e familiar e almorzos que xa comezou este mes nas instalacións do CPI Atios de luns a venres de 8 a 9,30 horas. Ese mesmo horario é o previsto para as escolas unitarias de Lago, Taraza e Vilarrube.
 

Arrancan en Valdoviño as terapias específicas para persoas afectadas de alzheimer

Sesión das terapias en Valdoviño

As veciñas e veciños afectados de alzheimer e outras demencias xa non teñen que desprazarse fóra de Valdoviño para acceder a terapias específicas de estimulación cognitiva. Dende este mes contan con este servizo no local municipal da antiga escola de Atios grazas á colaboración entre o Concello e Afal -Asociación de Familiares de Enfermos de Alzheimer e outras Demencias de Ferrol e comarca-. As sesións celébranse os mércores e xoves de 18 a 20 horas neste espazo, contiguo ao centro de saúde e á casa da cultura.

Visita da conselleira de Política Social a Valdoviño para abordar o papel dinamizador do futuro centro sociocomunitario

Momento da visita

«Era unha visita que tiña pendente» aseguraba esta mañá a conselleira de Política Social, Fabiola García, nada máis entrar no salón de plenos da casa consistorial de Valdoviño. Alí se desenvolveu parte da xuntanza que mantivo co alcalde, Alberto González, e máis outros concelleiros e concelleiras da corporación. Con eles, o equipo de arquitectos do estudo Antha e o arquitecto municipal. Foron estes os encargados de explicar o proxecto do primeiro centro sociocomunitario do municipio.
 

Empresas e profesionais autónom@s locais sentan as bases para iniciar novas relacións de colaboración

Momento da xuntanza

Un total de 46 empresas e profesionais autónomas/os déronse cita onte á tarde no auditorio da Casa da Cultura para participar na xornada organizada polo Concello de Valdoviño. O obxectivo, segundo explicou o alcalde, Alberto González, estaba claro: facilitar un espazo de encontro no que as diferentes firmas puidesen coñecerse entre si e dar a coñecer os seus produtos e servizos, e promover deste xeito relacións de colaboración entre elas. Con esa filosofía participaron todos os/as presentes, abordando a necesidade de establecer sinerxias e tamén proxectos conxuntos.

Festa infantil de Entroido este sábado no pavillón municipal de O Longoiro

Nenas e nenos teñen este sábado unha cita no pavillón municipal de O Longoiro, en Meirás. Alí, a partir das 17 horas, dará comezo a IX edición da Festa Infantil do Entroido que organiza o Concello baixo o título «Entroido Espacial». A entrada é libre e de balde e nenos e nenas poderán disfrutar de baile, inchables, xogos e actividades guiadas. O único requisito para asistir é vir disfrazado.
 

Ata o 28 de febreiro pódense solicitar as axudas para a incorporación de moz@s ao agro, plans de mellora e o desenvolvemento de pequenas explotacións

Visita do delegado e do alcalde

Acompañado do alcalde de Valdoviño, Alberto González, o delegado da Xunta de Galicia na Coruña, Ovidio Rodeiro, visitou onte pola mañá unha explotación apícola do municipio para informar que ata o venres 28 de febreiro está aberto o prazo para solicitar as achegas para plans de mellora nas explotacións agrarias, para a creación de empresas por parte de agricultores/as mozos/as e para o desenvolvemento de pequenas explotacións. Esta explotación foi beneficiaria dunha axuda de incorporación de mozos/as e dun plan de mellora.

Novos pasos adiante no proxecto de acondicionamento da estrada entre Valdoviño e Cedeira, cun investimento superior aos 4,6 millóns

Zona de actuación

O Consello da Xunta aprobou onte o decreto polo que se declara en concreto a utilidade pública e se dispón a urxente ocupación dos bens e dereitos necesarios para executar as obras de acondicionamento da estrada de Cedeira, ao seu paso polo concello de Valdoviño.

O Concello abre este venres o prazo de presentación de candidaturas aos galardóns da II Gala do Deporte de Valdoviño

Foto de familia dos/as premiados/as na I Gala do Deporte

O alcalde, Alberto González, avanzou esta mañá que Valdoviño celebrará a segunda edición da súa Gala do Deporte o 27 de marzo. Unha iniciativa coa que se quere recoñecer e pór en valor os méritos dos/as deportistas locais que teñan destacado especialmente ao longo do 2019, pero tamén a novas promesas e adestradores/as, e a entidades e persoas que contribuísen especialmente á promoción do deporte a través do seu traballo e entrega.
 

O Concello convida este sábado a nen@s e maiores á IX Festa infantil do Entroido baixo o título “Entroido Espacial”

Cartaz Entroido

O Concello de Valdoviño organiza a IX edición da Festa Infantil do Entroido. A cita terá lugar este sábado 22 de febreiro no pavillón municipal do Longoiro, en Meirás, baixo o título «Entroido Espacial». A entrada é libre e de balde e nenos e nenas poderán disfrutar de baile, inchables, xogos e actividades guiadas. O único requisito para asistir é vir disfrazado.
 

Páginas

Suscribirse a noticias