O Concello realizará obras de mellora nos camiños da Espiñuda, Muíño, Riobó e Cumiños cun investimento de 41.500 euros

O alcalde de Valdoviño, Alberto González, informou esta mañá da adxudicación das obras de mellora de varios camiños nas parroquias de Aviño, Lago e Meirás cun investimento de 41.500 euros. Intervencións que a Administración local financiará con cargo ao Plan de Mellora de Camiños Municipais 2019-2020 de Agader. Unha achega que o Concello percibirá en dúas anualidades e que permitirá o financiamento do 98,83% das intervencións.
 

O Concello estenderá a tecnoloxía LED ao núcleo de A Carreira e estrada AC566

O alcalde de Valdoviño, Alberto González, informou esta mañá de que o Concello vén de adxudicar os traballos de renovación do alumeado público na estrada AC-566, un dos principais accesos á localidade, ata o Cabezal, e máis en todo o núcleo de A Carreira (Sequeiro). Unha intervención na que se investirán 34.445,67 euros con cargo ao Plan Único da Deputación da Coruña.
 

O Concello abre a preinscrición para a visita en autocar a Santiago de Compostela

O alcalde de Valdoviño, Alberto González, informou esta mañá de que o Concello abrirá este luns, 7 de outubro, o prazo de preinscrición para anotarse á visita guiada a Santiago de Compostela que organiza o 19 de outubro no marco do proxecto «Dende os Camiños de Peregrinación ata o Xacobeo». As persoas interesadas en participar deben anotarse na Casa da Cultura, de 10 a 14 horas (ata o xoves 10 incluído). As prazas están limitadas –arredor de 45- e o custe é de 10 euros.
 

O Concello adxudica as obras de mellora e acondicionamento de 15 camiños municipais cun investimento superior aos 91.000 euros

O alcalde de Valdoviño, Alberto González, informou esta mañá da sinatura do contrato coa empresa adxudicataria das obras de acondicionamento e mellora de 15 camiños nas parroquias de Lago, Meirás, Pantín, Sequeiro, Valdoviño e Vilaboa cun investimento de 91.507,20 euros que o Concello financiará con cargo ao Plan Complementario do Plan Único deConcellos (POS+ 2018) da Deputación provincial da Coruña.
 

As persoas coidadoras de Valdoviño aprenden a coidarse a través dunha acción formativa impulsada por Concello e AFAL

Un momento do curso
Un momento do curso

Un total de 22 veciños e veciñas, maioritariamente mulleres, iniciaron esta tarde en Valdoviño o curso «Coidar ao coidador», que promove o Concello en colaboración con AFAL Ferrolterra. Unha iniciativa completamente gratuíta dirixida ás familias coidadoras de persoas afectadas de alzheimer e/outras demencias que se prolongará ata este venres(as dúas xornadas de 15 a 19 horas).
 

A praia da Frouxeira acollerá o XVII Campionato de Surfcasting por parellas

A cita será o sábado 26

A praia da Frouxeira acollerá o vindeiro sábado 26 de outubro o XVII Campionato de Surfcasting por parellas. Organizado pola Peña O Rodaballo, a cita conta coa colaboración do Concello de Valdoviño, que patrocina ademais dous trofeos para os dous mellores clasificados empadroados no municipio.
 

O Concello abre a inscrición nos talleres gratuítos de estimulación cognitiva

Reedición dos obradoiros

O Concello de Valdoviño reedita a súa aposta polos obradoiros de estimulación cognitiva para maiores de 60 anos. E, esta mañá, o alcalde, Alberto González, informaba da apertura do prazo de inscrición na actividade, con participación completamente gratuíta e preferencia para as persoas empadroadas no municipio de Valdoviño. Pode formalizarse na Casa da Cultura, ata o venres 11 de outubro (incluído), de luns a venres e en horario de 10 a 14 horas.
 

O Concello reparte gratuitamente 90 entradas para o partido entre as seleccións de España e Azerbaiyán

O Concello de Valdoviño repartirá gratuítamente 90 entradas para asistir ao partido da fase clasificatoria da Eurocopa 2021 que enfrontará á selección española de fútbol feminino e á selección de Azerbaiyán. Encontro que terá lugar este venres 4 de outubro ás 21,30 horas no estadio de Riazor.
 
As entradas foron cedidas pola Deputación provincial da Coruña e daranse dúas por persoa presentando o DNI e acreditando a residencia no municipio de Valdoviño.
 

Danzas do Mundo, na oferta cultural do Concello de Valdoviño para o curso 2019/20

Nova oferta cultural

O Concello de Valdoviño informa da posta en marcha de clases de Danzas do Mundo. Unha actividade que se incorporaba á programación cultural do municipio hai dous anos cunha moi boa acollida entre a veciñanza. Son clases gratuítas, dirixidas a persoas maiores de 16 anos, con preferencia para as empadroadas en Valdoviño.
 

O Concello incorpora á súa oferta deportiva atletismo para nen@s a partir de 4 anos

A actividade é para nenos dende 4 anos

O Concello de Valdoviño incorpora á súa programación de actividades deportivas as clases de atletismo. Nesta liña, o concelleiro de área, Sergio Saavedra, explicou que se celebrarán dous días á semana, con sesións dunha hora. Será no CPI Atios, onde se dispón de espazo cuberto, que se adaptará para os xogos de atletismo. A actividade está dirixida a nenos e nenas a partir de 4 anos que desexen iniciarse neste deporte.

Páginas

Suscribirse a noticias