V Carreira na Area este domingo na Frouxeira

A praia da Frouxeira acollerá, por quinto ano consecutivo, a Carreira na Area. Será este domingo, 25 de agosto, e as últimas inscricións poden realizarse o mesmo día da carreira, de 9:30 a 10 :30 horas na caseta de socorrismo. A inscrición é totalmente gratuíta e a carreira está pensada para todas as idades.

A entrega de dorsais realizarase media hora antes do inicio das carreiras, cuxos horarios varían en función das categorías se ben a primeira saída será ás 10 :30 horas. A entrega de trofeos e medallas será en torno ás 11 :45 horas na caseta de socorrismo.

O Concello convida este xoves a veciñanza e visitantes a unha nova sesión de cine ao aire libre

O Concello de Valdoviño convida á veciñanza a unha nova sesión de cine nocturno ao aire libre. Neste caso, co filme de animación «Memorias de un hombre en pijama». O pase terá lugar este xoves 22 de agosto, a partir das 22 horas, na praza da Casa da Cultura. A iniciativa conta co apoio da Deputación provincial a través da Rede Cultural.
 

Nova Galega de Danza trae este sábado a Pantín o seu espectáculo “Tradicción”

A compañía Nova Galega de Danza traerá este sábado ao Ariño-Pantín o seu último espectáculo, «Tradicción». Será a partir das 20,30 horas, da man do Concello de Valdoviño, que recibiu unha achega da Xunta, a través da Axencia Turismo de Galicia, e Abanca para contribuír deste xeito á programación cultural do Pantín Classic Galicia Pro, declarado Festa de Interese Turístico de Galicia.
 

I Torneo Municipal de Fútbol Feminino Concello de Valdoviño

I Torneo municipal de fútbol feminino

O campo O Lameiro de Vilaboa acollerá o vindeiro domingo 25 de agosto a primeira edición do Torneo Municipal de Fútbol Feminino Concello de Valdoviño. Así o avanzou esta mañá o concelleiro de Deportes, Sergio Saavedra, que invitou á veciñanza a seguir o encontro que enfrontará aos equipos do CD Rosalía de Vilaboa e ao Amistade de Meirás. Será a partir das 18 horas con entrada libre e de balde ao campo.
 

Comeza a fase final do Torneo Fútbol Sala Ociosol de Valdoviño

A fase final dará comenzo cos cuartos de final o luns 19 agosto ás 21h e o martes 20 de agosto. As semifinais disputáranse o xoves 21 de agosto no mesmo horario, a final e a final de consolación serán o venres 22, ás 21:30h e 20:30h respectivamente.
 
En total, na fase de liga disputaronse un total de 28 encontros no Pavillón do Longoiro e participaron máis de 120 persoas.
 

Aberta a inscrición na Volta ás Forcadas

A proba celébrase o 22 de setembro

O Concello de Valdoviño vén de abrir a inscrición na cuarta edición da carreira Volta ás Forcadas. Trátase dunha cita deportiva coa que crear e fomentar hábitos de vida saudable entre a veciñanza, abandoando o sedentarismo e ofrecendo a posibilidade de ocupar de forma saudable o seu tempo de ocio. Un obxectivo que pasa porque a actividade física en nenos e en familia sexa un elemento fundamental das persoas. De aí esta carreira, onde o importante non son os resultados, senón a participación.
 

XXIX Triangular de Fútbol Concello de Valdoviño este sábado no campo do Meirás

Un clásico do fútbol comarcal

O campo de fútbol de Meirás acollerá este sábado 17 de agosto a XXIX edición do Triangular de Fútbol Concello de Valdoviño, no que tomarán parte o CD Rosalía de Vilaboa, a SD Valdoviño e o Meirás CF.
 
O Triangular arrancará ás 17,30 horas cun encontro que enfrontará ás formacións xuvenís do Amistade de Meirás e Meirás CF. Os partidos serán de 45 minutos e, ás 18,30 horas, arrancarán na categoría sénior. Sobre as 21,30 horas está prevista a entrega de trofeos.
 

Arrancan os traballos previos á execución da senda peonil e ciclista entre a lagoa da Frouxeira e Meirás

A empresa Estudio Técnico Galego, adxudicataria do contrato, vén de notificar ao Concello de Valdoviño o inicio dos traballos previos de cara ás expropiacións contempladas para a construción da senda peonil e ciclista entre a lagoa da Frouxeira e Meirás. Así mesmo, dende o Concello quérese aclarar que as supostas follas informativas que apareceron estes días en domicilios da zona, tal e como lles trasladaron veciños e veciñas, non proceden nin da Administración local nin da empresa adxudicataria, descoñecéndose a día de hoxe a súa autoría.

O Concello denuncia un novo roubo dos cabezais das duchas da Frouxeira

Novo acto de vandalismo

Segundo roubo en 15 días nos equipamentos dos areais de Valdoviño. O concelleiro de Servizos, Benito Vega, informaba esta mañá dunha nova sustracción. Neste caso, os cabezais das duchas máis próximas aos aseos que colindan co chiringuito da praia da Frouxeira. Ocorría esta noite e deixaban sen servizo as duchas.
 
Este acto súmase ao perpetrado na segunda quincena de xullo, cando desapareceron cinco cabezais e incluso as tuberías da ducha que dá servizo aos bañistas da praia dos Curas. Roubos que pagan finalmente todos os veciños.
 

O Concello abre o prazo de inscrición nun curso de verán de tiro con arco

O Concello de Valdoviño, a través da Concellería de Deportes, promove unha nova edición do curso de verán de tiro con arco. Será o Club Arco A Frouxeira o encargado de impartir as clases no campo municipal de fútbol de Atios, do 19 ao 23 de agosto e de luns a venres. Os horarios previstos serán de 10 a 12 horas e está dirixido a persoas de todas as idades a partir de 8 anos.
 

Páginas

Suscribirse a noticias