O Concello procederá á substitución dunha parte da cuberta do pavillón de O Longoiro

O Concello de Valdoviño investirá 72.167,82 euros procedentes do POS+2019 nas obras de renovación dunha parte da cuberta do pavillón municipal de O Longoiro, en Meirás. Así o avanzou esta mañá o alcalde, Alberto González. Unha intervención moi necesaria polas deficiencias detectadas, especialmente en relación ao estado do panel sándwich e as placas de policarbonato e á corrosión detectada en elementos de anclaxe e fixación.
 

O Concello licita nove obras para ampliar a rede de abastecemento de auga en Meirás e Valdoviño e a de saneamento en Lago

O alcalde de Valdoviño, Alberto González, informou esta mañá de que o Concello vén de sacar a licitación nove obras para ampliar a rede de abastecemento de auga en diferentes puntos das parroquias de Meirás e de Valdoviño, e a de saneamento noutros lugares da de Lago. No seu conxunto, as intervencións previstas suman un orzamento de 229.756,18 euros, que a Administración local financiará con cargo ao POS+2019 da Deputación provincial da Coruña. O prazo de presentación das ofertas está aberto e pecharase o 20 de xaneiro de 2020.
 

Teatro infantil musical o domingo en Valdoviño coa obra “Un lugar chamado mundo”

Un  lugar chamando mundo

VerdeVerás Expresións Artísticas trae este domingo a Valdoviño o seu espectáculo «Un lugar chamado mundo». A función, organizada polo Concello co apoio da Deputación a través da Rede Cultural, dará comezo ás 18 horas con entrada libre e de balde ata completar aforo e está dirixida a un público familiar.
 
«Un lugar chamado mundo» é unha obra de teatro infantil musical que recupera a regueifa como parte do patrimonio tradicional galego, traballa sobre o xénero, a multiculturalidade, as diversas visións do mundo e o coidado do medioambiente.
 

O Concello abre a inscrición en Concilia Nadal!

Imaxe de Concilia Verán

O alcalde de Valdoviño, Alberto González, informou esta mañá de que o Concello abrirá este xoves 5 de decembro o prazo de inscrición no programa «Concilia Nadal!». Está dirixido a nenos e nenas de entre 3 e 12 anos, e desenvolverase nas instalacións do CPI Atios en horario de mañá, de 9,30 a 14 horas. Así mesmo, e para quenes o soliciten, haberá un servizo de conciliación dende as 8 horas.
 

Valdoviño acolle este xoves un Foro sobre Intelixencia Turística dirixido a empresas, xestores e técnicos de Turismo

Cámping A Lagoa

A correcta presenza do destino Ferrolterra Rías Altas en Internet, como mellorar o seu posicionamento en Google Maps ou como posicionar e mellorar ás empresas turísticas en TripAdvisor son algúns dos temas dos que se van a falar no Foro de Intelixencia Turística promovido pola Mancomunidade de Concellos da Comarca de Ferrol, ao abeiro do Convenio coa Axencia Galega de Turismo para a promoción turística do Xeodestino Ferrolterra-Rías Altas durante 2019.
 

Aberto o prazo para apuntarse como figurantes na Cabalgata de Reis de Valdoviño

O Concello de Valdoviño, a través da Concellería de Cultura, vén de abrir o prazo para que as persoas interesadas en participar como figurantes na Cabalgata de Reis se anoten. Persoas adultas e menores deben cumplimentar a folla de inscrición e entregala ben no CPI Atios –ata o 20 de decembro- ben na Casa da Cultura –ata o 30 de decembro-. Así mesmo, no caso de persoas menores de idade debe acompañarse dunha autorización expresa asinada polo pai/nai/titor legal.
 

Valdoviño aposta pola colaboración público-privada como única vía para un desenvolvemento sostible do surf

Intervención de Luis Cayón, de Ribamontán Al Mar

A intervención do alcalde de Valdoviño, Alberto González, poñía hoxe fin o dous intensos días de debate, diálogo e exposicións en torno ao desenvolvemento sostible do surf. Un debate xerado no marco das I Xornadas Surf e Desenvolvemento sostible celebradas no Océano Surf Museo organizadas polo Concello coa colaboración de Deputación provincial da Coruña e Xunta de Galicia. No seu discurso de peche, a modo de conclusións, o rexidor apostaba pola colaboración público-privada como única vía posible para lograr un desenvolvemento sostible a través do surf.

Andada polo Bo Trato este sábado en Valdoviño

A veciñanza ten este sábado 30 de novembro unha cita na Casa da Cultura. Ás cinco e media da tarde, partirá das instalacións culturais a VI Andada Urbana polo Bo Trato e para a Eliminación da Violencia contra as Mulleres. Unha marcha reinvindicativa incluída na programación deseñada polo Concello de Valdoviño para conmemorar o Día contra a Violencia de Xénero.
 

Aberto o prazo para participar no Programa Integrado de Emprego de Galicia dirixido a mulleres de oito concellos da Mancomunidade

A Xunta de Galicia vén de conceder á Mancomunidade de Concellos de Ferrol unha nova edición do Programa Integrado de Emprego de Galicia, dirixido aos concellos de Fene, Ares, Cabanas, Cedeira, Mugardos, Narón, Neda e Valdoviño. A administración autonómica e o Servizo Público de Emprego Estatal financian esta convocatoria, subvencionada con 207.000 euros, dos 230.000 euros do custe total do proxecto. En total ofertaránse 100 prazas para os oito concellos, tal e como recalcaron as concelleiras de Servizos Sociais, Ana Belén Pérez e Pilar Caamaño.
 

Valdoviño reivindica o surf para consolidar a costa galega como principal destino turístico sostible

Xornadas Surf e Desenvolvemento Sostible
O alcalde, nas Xornadas Surf e Desenvolvemento Sostible

«Consolidar o noso territorio como principal destino turístico sostible, favorecendo o desenvolvemento económico e social e sobre a base do respeto polo medio ambiente é un dos obxectivos que está a buscar nos últimos anos o Concello de Valdoviño», consciente, tal e como sinalou esta mañá o alcalde, Alberto González, de que «o noso patrimonio litoral é o mellor polígono industrial do municipio». Nese traballo se enmarcan as I Xornadas Surf e Desenvolvemento Sostible organizadas polo Concello co apoio da Deputación provincial da Coruña e a Xunta de Galicia.

Páginas

Suscribirse a noticias