Las noticias y eventos de agenda sólo están disponibles en gallego.

Adxudicada a redacción do proxecto constructivo para o abastecemento en Pantín

A Consellería de Infraestruturas e Mobilidade, a través de Augas de Galicia, vén de adxudicar o servizo para a redacción do proxecto construtivo da obra de abastecemento a Pantín.
 
Os traballos foron adxudicados á empresa Alfredo Teijeiro Rodríguez por importe de 16.844 euros e contan cun prazo de execución estimado de 6 meses.
 

O Concello abre o prazo de inscrición nos campamentos de verán, que se celebrarán este ano en Pantín e Aviño

Cartaz Concilia Tempos

O alcalde, Alberto González, informou esta mañá de que o Concello de Valdoviño reedita a súa aposta polos campamentos de verán Concilia Tempos co ánimo de favorecer a conciliación da vida laboral e o coidado dos nenos e nenas por parte das familias. O prazo de inscrición está aberto, ata o 25 de xuño, e as persoas interesadas no servizo deben anotarse chamando ao departamento municipal de Servizos Sociais no 981 48 70 41 extensión 5.
 

Valdoviño, A Capela, Cerdido, Moeche, Neda e San Sadurniño acordan conxuntamente non abrir as instalacións das piscinas municipais para garantir a seguridade das persoas usuarias

Piscina municipal

Valdoviño, xunto aos concellos de A Capela, Cerdido, Moeche, Neda e San Sadurniño, comunicaron hoxe a súa decisión de non  abrir as piscinas municipais este verán dadas as circunstancias xeradas pola  pandemia da COVID 19. Os/as representantes municipais   adoptan este acordo tras analizaren entre todos/as o contido dos protocolos redactados polo Ministerio de Sanidade e a normativa  aprobada pola Xunta de Galicia, documentos nos que se establecen unhas condicións que os concellos  dificilmente poden asumir nin tampouco garantir  o seu cumprimento.
 

A unidade móbil de doazón de sangue desprázase a Valdoviño este xoves

Cartaz doazón de sangue

O Concello informa á veciñanza de que a unidade móbil do Centro de Transfusión de Galicia desprazarase ao municipio este xoves 18 de xuño. Estará diante da casa consistorial en horario de mañá –de 10 a 14 horas- e de tarde –de 16 a 21 horas-.
 
Calquer persoa maior de 18 anos, que pese máis de 50 quilos e non padeza nin teña padecido enfermidades transmisibles polo sangue (VIH, hepatite B ou C...), pode doar. A doazón de sangue é un acto sinxelo que permite a moitas persoas solucionar o seu problema de saúde e mesmo salvar a súa vida.
 

O Concello abre o prazo para solicitar autorización para as luminarias de San Xoán e San Pedro nos espazos privados

Bando Municipal

Dada a situación de crise sanitaria na que nos atopamos, e co obxecto de manter as tradicións e á súa vez cumprir coas medidas de control e protección derivadas da pandemia do COVID-19, o Concello de Valdoviño informou esta mañá a través dun bando municipal que poderán realizarse luminarias de carácter tradicional nos espazos privados dos núcleos rurais e urbanos, previa declaración responsable. Deben presentar a súa solicitude chamando ao teléfono 981 48 70 41 extensión 1.

Páginas

Suscribirse a Concello de Valdoviño RSS