Las noticias y eventos de agenda sólo están disponibles en gallego.

I Xornadas Surf e Desenvolvemento Sostible no Océano Surf Museo de Valdoviño

Valdoviño acollerá este xoves e venres as  I Xornadas Surf e Desenvolvemento Sostible. Celebraranse no Océano Surf Museo con entrada libre e, segundo explicou o alcalde, Alberto González, con elas búscase crear unha canle de diálogo entre as entidades que, tanto no concello como na bisbarra, desenvolven a súa actividade económica en torno ao produto de surf. Deste xeito, o seu obxectivo fundamental é mellorar a competitivade do sector no territorio.

O Concello presenta este luns a Estratexia municipal de prevención de violencias machistas e fomento da igualdade

O alcalde, Alberto González, convidou esta mañá á veciñanza a tomar parte na presentación da Estratexia Municipal de Prevención das Violencias Machistas e Fomento da Igualdade entre Mulleres e Homes. Un documento no que se estivo a traballar nos últimos meses a nivel municipal e comunitario co fin de activar os mecanismos e recursos necesarios para construír un concello libre de violencia machista. A súa presentación coincidirá co Día Mundial contra a Violencia de Xénero, este luns 25 de novembro. Será na Casa da Cultura, a partir das 18 horas, e entrada de balde.

Alumnado e equipo docente convírtense en arquitectos para redeseñar as zonas de xogo do CPI Atios de Valdoviño

A futura transformación dos patios do CPI Atios guiarase polos planos elaborados en base aos desexos, reflexións e intereses dos alumnos e alumnas e equipo docente do centro. Uns e outros convertíronse temporalmente en arquitectos para redeseñar esas grandes áreas de xogo, tomando parte nunha dinámica impulsada polo Concello de Valdoviño. Foi un proxecto cooperativo cuxos primeiros resultados avanzaban esta mañá o alcalde, Alberto González, e o director do CPI, Antonio Cebreiro.
 

THE-Sastre Teatro representará este sábado en Valdoviño “Os segredos de Greta”

A Casa da Cultura de Valdoviño acollerá este sábado 23 de novembro a representación da obra «Os segredos de Greta», a cargo da compañía THE-Sastre e no marco do 1o ciclo de teatro amador AMATEGA-Escenamateur Galicia. Será a partir das 19 horas, con entrada libre e de balde ata completar aforo.
 

As escolas unitarias organizan unhas xornadas de troco solidario en Sequeiro e Pantín

Cartaz da iniciativa

Por unha boa causa, pero tamén co claro obxectivo de visibilizar as escolas unitarias e o extraordinario traballo que desenvolven, o CRA O Esquío convida á veciñanza a achegarse o vindeiro sábado 30 de novembro a partir das 18 horas ao local social de Sequeiro para recibir un agasallo. A cambio dun quilogramo de alimentos non perecedoiros ou produtos de hixiene, os alumnos e alumnas das tres escolas unitarias (Lago, Taraza e Vilarrube) entregarán un agasallo de carácter navideño realizado por eles/as mesmos/as.

Páginas

Suscribirse a Concello de Valdoviño RSS