Las noticias y eventos de agenda sólo están disponibles en gallego.

Presentación do equipo Galizamushing

Ás cinco da tarde deste domingo terá lugar na praia de Pantín a presentación do equipo de cans de trineo Galizamushing, actual subcampión de Europa na categoría de 8 cans.

Neste acto mostraranse os cans, o material e a xente que forma Galizamushing e farase unha exhibición co equipo seleccionado para ir ao Campionato de Europa no vindeiro mes de novembro. Poderedes ver aos cans tirando dun quad apagado ao longo do camiño paralelo ao paseo da praia.

Ademais farase unha demostración de quiropráctica e acupuntura canina, a cargo de Nuria Otero de IntegralVet.

O Concello da luz verde ao Programa de Educación e apoio familiar

O  Concello, a través do Departamento de Servizos Sociais, pon en marcha o esperado Programa de Educación e apoio familiar, instaurado a través do Plan de convenios de Servizos Sociais da Deputación Provincial da Coruña. O Programa concíbese como un servizo educativo e psicosocial de prevención, intervención e apoio dirixido ás familias de toda a comunidade. Ten como finalidade promover a calidade de vida e o benestar social das familias e dos membros que a integran.

Consulta do censo electoral

En virtude do establecido na modificación da Lei Orgánica 5/1985, de 19 de xuño, do Réxime Electoral Xeral, establecida pola Lei Orgánica 1/2003, de 10 de marzo, o Concello porá a disposición pública a consulta do censo electoral deste Concello, por medios informáticos e unha relación das mesas electorais, nas oficinas municipais, Negociado de Estatística, do 3 ao 10 de setembro inclusive, podendo dentro de dito prazo consulta-lo censo e presentar se procede reclamación.
 
Hai un teléfono de chamada gratuíta: número 901 101 900.

O Concello de Valdoviño contará con un/ha Técnico/a de Orientación Laboral

O Concello de Valdoviño vai contratar neste mes de setembro un/ha Técnico/a de Orientación Laboral ao abeiro dunha subvención da Consellería de Traballo e Benestar. Este profesional levará a cabo actuacións e medidas de información, acompañamento, motivación e asesoramento que, tendo en conta as circunstancias persoais e profesionais dos demandantes de emprego, lle permitan determinar as súas capacidades e intereses e xestionar a súa traxectoria individual de aprendizaxe, a busca de emprego ou a posta en práctica de iniciativas empresariais.
 

Milla urbana Concello de Valdoviño

O domingo 2 de setembro celebrarase a I Milla urbana Concello de Valdoviño, cun percorrido polo paseo da lagoa de Valdoviño.
 
A inscrición é gratuíta e debe realizarse antes das 21:00 horas do día 25 de agosto no enderezo de correo fgaferrol@gmail.com ou na web da Federación.

Páginas

Suscribirse a Concello de Valdoviño RSS