Las noticias y eventos de agenda sólo están disponibles en gallego.

Concello e Valdoviño Azul organizan unha nova ruta guiada pola zona mineira do Porto

O Concello, a través da Concellería de Cultura, e a Asociación Valdoviño Azul únense de novo para organizar unha ruta guiada pola antiga zona mineira do Porto. A iniciativa, segundo explicou o alcalde, Alberto González, celebrarase o domingo 28 de xullo ás 11,30 horas. As prazas son limitadas e a participación é gratuíta, aínda que se precisa de inscrición previa.
 
Así, as persoas interesadas deben formalizala na Casa da Cultura ou no teléfono 981 48 76 66 hoxe, 16 de xullo, o 17, 23 e 24 de xullo, de 11 a 13 horas.
 

CD Rosalía, Meirás CF e SD Valdoviño disputarán o XXIX Triangular de Fútbol Concello de Valdoviño

O campo de fútbol de Meirás acollerá este ano a XXIX edición do Triangular de Fútbol Concello de Valdoviño. No mesmo, tomarán parte o CD Rosalía de Vilaboa, a SD Valdoviño e o Meirás CF.
 
Onte pola mañá, os representantes dos clubes –José Luis Campos (presidente da SD Valdoviño); Juan Manuel Sabín (secretario do CD Rosalía); Juan Carlos Aneiros (presidente Meirás CF) e Marcos Casal Castro (adestrador do equipo xuvenil feminino do Amistade de Meirás)- acudían á casa consistorial para participar no sorteo dos encontros, presidido polo alcalde, Alberto González.
 

O Concello abre a inscrición na VI Andada Nocturna “Ata San Mamede”

O Concello de Valdoviño, a través da Concellería de Cultura, abrirá o próximo luns, 15 de xullo, o prazo de inscrición na VI Andada Nocturna «Ata San Mamede». Celebrarase o vindeiro venres 26 de xullo e inclúese no programa municipal «Escenarios Paralelos». As persoas interesadas en tomar parte poden anotarse na Casa da Cultura, no teléfono 981 48 76 66 ou enderezo electrónico cultura@concellodevaldovino.com. O prazo rematará o día 21 de xullo.
 

Contacontos e obradoiro de cociña para nen@s, este domingo na Frouxeira

O parque da Frouxeira convertirase no mellor dos escenarios este domingo, 14 de xullo, para acoller o contacontos de Teatro Calavera «Chocolate». Unha proposta do Concello de Valdoviño incluída no programa Escenarios Paralelos, polo que as iniciativas culturais saen da Casa da Cultura, segundo explicou o alcalde, Alberto González. Neste caso, a función está ideada para un público familiar e dará comezo ás 19,30 horas.
 

Máis de 230 nen@s e adultos toman parte nas actividades deportivas organizadas polo Concello no marco de OcioSol 2019.

O concelleiro de Deportes, Sergio Saavedra, valorou moi positivamente esta mañá a participación da veciñanza nas actividades deportivas organizadas polo Concello para o verán no marco do programa municipal OcioSol 2019. Unha participación que alcanza as 234 persoas, entre nenos e nenas e adultos. Aínda así, nalgunha actividade queda algunha praza libre, polo que o edil anima á veciñanza a inscribirse. Un trámite que pode realizarse no rexistro xeral da casa consistorial ou no departamento municipal de Deportes –primeira pranta do inmoble-.

Páginas

Suscribirse a Concello de Valdoviño RSS