Las noticias y eventos de agenda sólo están disponibles en gallego.

O Concello leva a cabo as obras de ampliación da zona de xogos do alumnado de Educación Infantil do CPI Atios

O alcalde de Valdoviño, Alberto González, realizou esta semana unha visita ao CPI Atios acompañado dos concelleiros de Obras e Servizos, Alejandro García, Benito Vega e Germán Gómez, para supervisar a evolución das obras de ampliación da zona de xogos reservada ao alumnado de Educación Infantil. Unha intervención prevista e acelerada a raíz da COVID-19, co ánimo de sumar metros cadrados ao espazo para favorecer as medidas de distanciamento social. Na intervención investiranse uns 12.000 euros.
 

A senda peonil e ciclista na AC-116 permitirá dispoñer este mesmo ano dun itinerario continuo de 5,5 kms ao longo desta estrada en Valdoviño

Visita conselleira

A conselleira de Infraestruturas e Mobilidade en funcións, Ethel Vázquez, avanzou hoxe que o itinerario peonil e ciclista na estrada que comunica Valdoviño e Ferrol, a AC-116, no que a Xunta está a investir máis de 800.000 euros, estará á disposición dos veciños e veciñas este mesmo ano e permitirá contar cun itinerario continuo de 5,5 km ao seu paso por este municipio.
 

Francesca Martello trae ao parque da Frouxeira a súa obra teatral “Out of Blú”

O teatro chegará este domingo 19 de xullo ao parque da praia da Frouxeira da man de Francesca Martello. Alí compartirá co público asistente a súa obra «Out of Blú» a partir das 19,30 horas, nun espectáculo incluído na Rede Cultural da Deputación provincial da Coruña. As persoas interesadas en tomar parte na iniciativa poden retirar as súas invitacións -un máximo de 5 por persoa- na Oficina Municipal de Turismo hoxe de 11 a 17 horas e mañá xoves de 11 a 14 horas. En caso de choiva a actividade trasldaríase á Casa da Cultura.
 

Regresan os asaltos musicais a Valdoviño

Asalto musical

A música pode soar estes días en calquer lugar do municipio. Non é preciso retirar entrada nin reservar asento para asistir a un pequeno concerto que, sen dúbida, non deixa indiferente a ninguén. Son os «asaltos musicais» que converten o Faro de Meirás, a praia da Frouxeira ou o areal de Pantín en auditorios a ceo aberto para acoller breves intervencións musicais. Unha iniciativa que impulsa o profesor e músico Ignacio Sanz Santás, veciño de Pantín, e que este ano chega á súa terceira edición.
 

A deputada de Servizos Sociais visita as obras do primeiro Centro Sociocomunitario de Valdoviño

Visita da deputada e do alcalde

O alcalde, Alberto González, e a deputada provincial de Servizos Sociais, Ana Lamas, realizaban esta mañá unha visita ás obras de rehabilitación do antigo mercado municipal de Valdoviño para convertilo no primeiro centro sociocomunitario da localidade.
 

Páginas

Suscribirse a Concello de Valdoviño RSS