Las noticias y eventos de agenda sólo están disponibles en gallego.

Valdoviño propón un fin de semana de teatro coas compañía El ruiseñor e Talía

Fin de semana de teatro no Concello de Valdoviño. A Concellería de Cultura ten programadas sesións para o sábado, 17 de decembro, e domingo, 18. En ambos casos, as propostas culturais contan co apoio da Deputación a través da Rede Cultural e desenvolveranse no auditorio da Casa da Cultura con entrada gratuíta ata completar aforo. O sábado a compañía El ruiseñor representará a comedia “El vestíbulo” a partir das 19 horas e o domingo será o turno de Talía Teatro, que ofrecerá a súa obra “Sopa de Sapo” ás 18 h.
 

O Concello invita á veciñanza a participar na construción da carroza comunitaria para a Cabalgata de Reis

O Concello de Valdoviño quere este ano dar un paso adiante na participación da veciñanza na Cabalgata de Reis e proponlles sumarse á construción da denominada Carroza Comunitaria, que terá un papel destacado na comitiva das súas Maxestades de Oriente. Para iso, o Concello alíase coas asociacións de veciños do municipio, en cuxos locais sociais se desenvolverán os traballos iniciais de construción.
 

Concello de Valdoviño e CPI Atios impulsan a campaña solidaria “1 kilo+”

Concello e CPI Atios impulsan, un ano máis, a campaña solidaria “1 Kilo+”, ó tempo que animan á veciñanza a sumarse á mesma. O seu obxectivo principal é conseguir que todas as familias de Valdoviño pasen o mellor Nadal posible á mesa. Por iso, realízase esta recollida especial de alimentos coa que, o ano pasado, logrouse reunir máis de 700 quilogramos.
 

O Océano Surf Museo, sede dos cursos de formación da Federación galega

Océano Surf Museo

Tal e como avanzara o alcalde, Alberto González, o Océano Surf Museo non se quedará nunha exposición permanente sobre a historia e o presente do surf. Amáis de promover mostras temporais, o rexidor deixaba claro que o auditorio da Casa da Cultura permitiría ampliar as posibilidades do museo coa organización de conferencias, congresos, ciclos de cine ou música… e este mesmo mes o Concello pon en marcha esa intención. O Océano Surf Museo acollerá os primeiros cursos de formación promovidos pola Federación Galega de Surf en colaboración con Costa das Ondas.

Kiko Pastur trae a Valdoviño Somorgujo, o seu último espectáculo de maxia

O mago Kiko Pastur

O gran ilusionista galego Kiko Pastur ofrecerá mañá sábado en Valdoviño o seu último espectáculo, «Somorgujo », un show case impronunciable de maxia de salón. A función terá lugar no auditorio da Casa da Cultura, a partir das 19 horas e entrada libre e de balde ata completar aforo. Está incluída na Rede Cultural da Deputación provincial.
 
Kiko Pastur presenta unha obra de maxia inclasificable e dirixida a todos os públicos, onde son os espectadores os protagonistas de obrar o imposible. 

Páginas

Suscribirse a Concello de Valdoviño RSS