News and calendar events are only written in Galician language

O Concello convertirá o antigo palco da música de Loira nun auténtico local social cun investimento cercano aos 100.000 euros

O alcalde de Valdoviño, Alberto González, avanzou esta mañá que o Concello procederá á reforma integral do antigo palco da música de Loira para transformalo nun auténtico espazo de reunión e actividade veciñal. Será grazas ao POS Complementario 2019, cun investimento superior aos 100.000 euros. Unha partida que tamén contempla obras de mellora no local social de Vilaboa.

O Concello pon en marcha Xoga en Nadal para nenas e nenos de 5 a 12 anos

Cartaz Xoga en Nadal

O concelleiro de Deportes, Sergio Saavedra, informou esta mañá da posta en marcha do programa municipal Xoga en Nadal. Celebrarase coa vista posta nas vacacións escolares, e está dirixido a nenas e nenos de entre 5 e 12 anos. Todas/os elas/es poderán participar nunha morea de actividades deportivas como baloncesto, fútbol sala ou xogos populares no pavillón do CPI Atios. Será os días 23, 24, 26, 27, 30 e 31 de decembro e máis o 2 e 3 de xaneiro en horario de 11 a 13 horas.
 

O Concello aproba os investimentos a realizar con cargo aos fondos provinciais 2020

O alcalde de Valdoviño, Alberto González, anunciou a aprobación en pleno, por unanimidade, dos investimentos que o Concello realizará con cargo aos diferentes plans e programas provinciais para o 2020. Así, a Achega 2019, por un importe de 51.909,44 euros destinarase á mellora dos locais sociais de Montefaro –Meirás- e Vilaboa, continuando coas actuacións xa realizadas en inmobles municipais como a reforma integral do de Aviño e a dotación dun módulo de aseos en Loira –coa próxima rehabilitación integral a punto de saír a licitación-.

Arranca o curso de xestión do estrés e riscos psicosociais no servizo de axuda a domicilio

Inauguración da acción formativa

O salón de plenos do Concello de Valdoviño acolle dende hoxe e ata este xoves o curso de Xestión do Estrés e Riscos Psicosociais no Servizo de Axuda a Domicilio dirixido a persoas traballadoras no sector, aínda que aberto a todo o mundo interesado no tema. Dez mulleres toman parte na iniciativa organizada pola Concellería de Servizos Sociais e esta tarde o alcalde, Alberto González, dáballes a benvida, agradecíalles a súa asistencia e confiaba en que a acción formativa fose de utilidade.
 

Exhibición de Nadal dos alumnos e alumnas das actividades deportivas do CPI Atios

Cartaz da actividade

O pavillón do CPI Atios acollerá este mércores 18 de decembro a Exhibición das alumnas e alumnos das actividades deportivas que o Concello de Valdoviño organiza no centro escolar durante o curso. Así, participará o alumnado de patinaxe, ximnasia rítmica, patinaxe artístico, karate e atletismo.
 
Unha cita con entrada libre e de balde na que os máis pequenos e pequenas do municipio darán conta das súas habilidades e do aprendido nestes primeiros meses.
 

Pages

Subscribe to Concello de Valdoviño RSS