News and calendar events are only written in Galician language

Máis de 230 nen@s e adultos toman parte nas actividades deportivas organizadas polo Concello no marco de OcioSol 2019.

O concelleiro de Deportes, Sergio Saavedra, valorou moi positivamente esta mañá a participación da veciñanza nas actividades deportivas organizadas polo Concello para o verán no marco do programa municipal OcioSol 2019. Unha participación que alcanza as 234 persoas, entre nenos e nenas e adultos. Aínda así, nalgunha actividade queda algunha praza libre, polo que o edil anima á veciñanza a inscribirse. Un trámite que pode realizarse no rexistro xeral da casa consistorial ou no departamento municipal de Deportes –primeira pranta do inmoble-.

O Concello de Valdoviño abre o prazo de inscrición no Torneo de Fútbol Sala OcioSol

O concelleiro de Deportes, Sergio Saavedra, anunciou esta mañá que o Concello de Valdoviño volverá a reeditar este ano a súa aposta pola celebración do Torneo de Fútbol Sala OcioSol. A partir do luns abrirase o prazo de inscrición para os equipos interesados en tomar parte. Poden formalizar a súa solicitude ata o 16 de xullo incluído na Casa do Concello (Rexistro Xeral na primeira pranta). Deben cubrir a folla de inscrición (que pode descargarse ao pe desta páxina), aceptar o regulamento e réxime disciplinario e adxuntar a fotocopia do DNI de todos os xogadores.

Valdoviño abre as portas da súa Oficina Municipal de Turismo

O alcalde, Alberto González, informou esta mañá de que a Oficina Municipal de Turismo abriu as súas portas. Estará operativa de martes a domingo grazas á incorporación de dous técnicos de turismo, contratados ao abeiro dunha subvención procedente da Deputación provincial da Coruña.
 

Xuntanza con AFAL

Valdoviño, solidario co Alzheimer

O alcalde, Alberto González, xunto á concelleira de Servizos Sociais, Ana Pérez, mantiveron esta mañá unha xuntanza de traballo co presidente de AFAL, Francisco Pantín, e a directora dos centros de día da asociación, Noelia Ríos, para avanzar en futuros programas de atención ás persoas afectadas de alzheimer e ás súas familias. Uns programas que se avanzarán nas próximas semanas e nos que están a traballar na actualidade o Concello de Valdoviño, declarado municipio solidario co alzheimer, e máis a entidade.

As entradas para o espectáculo que ofrecerá o mago Antón na Frouxeira, a disposición da veciñanza na Casa da Cultura

O mago Antón fará unha parada en Valdoviño o vindeiro 21 de xullo no marco da súa xira «A volta a Galicia en 313 concellos». No parque da Frouxeira ofrecerá ata seis funcións en horario de mañá -12 e 13 horas- e de tarde -18, 19, 20 e 21 horas-. Todas elas gratuítas, pero con preferencia para aqueles que retiren a súa entrada previamente, xa que as prazas por sesión son limitadas.

Pages

Subscribe to Concello de Valdoviño RSS