Mensaxe de erro

  • Notice: unserialize(): Error at offset 9285 of 9447 bytes en DrupalDatabaseCache->prepareItem() (liña 456 de /home/concellodevaldovino/www/includes/cache.inc).
  • Warning: Invalid argument supplied for foreach() en field_attach_load() (liña 655 de /home/concellodevaldovino/www/modules/field/field.attach.inc).

Clases de bádminton e ioga

O Concello de Valdoviño ten aberto o prazo de inscrición nas clases de bádminton e ioga.
 
A práctica de bádminton ten lugar no pavillón do Longoiro, os luns e mércores de 18:00 a 19:00 horas. Pola súa banda, a de ioga celébrase tamén os luns e mércores, pero no auditorio da Casa da Cultura e con dous horarios diferentes, de 19:00 a 20:30 e de 20:30 a 22:00h.
 
Máis información sobre estes cursos no teléfono 626 465 531.

Constituída a Mesa de contratación do mantemento e mellora dos parques infantís

A Mesa de contratación da obra do PAS 2015 "Mantemento, conservación e mellora do parque infantil da Frouxeira e outros" vén de constituirse e proceder ao reconto de proposicións e á súa admisión ou rexeitamento.
 
Toda a información sobre esta licitación está dispoñible no Perfil de contratante: Mantemento, conservación e mellora do parque infantil da Frouxeira e outros.

O Concello presenta a publicación “Os Bolechas van a Valdoviño”

Os Bolechas

A familia dos Bolechas vén de elixir Valdoviño para pasar as súas vacacións de verán e, por isto, o Concello decidiu recoller nunha publicación esta visita tan especial.
 
O próximo domingo, 29 de xaneiro, o auditorio da Casa da Cultura albergará a presentación da guía, na que Os Bolechas descubren algúns dos enclaves máis fermosos do municipio, coñecen ás súas xentes e practican algunhas das súas principais aficións, como surf, vela, pesca ou bodyboard.
 

Os estudantes do CPI Atios leranlle ós maiores de Valdoviño a cambio do seu coñecemento

Lecturas compartidas

O CPI de Atios, en colaboración co Concello de Valdoviño, promoven o programa “Lecturas compartidas fóra do centro”. A intención é traballar a tradición oral e, para iso, una vez ó mes, o colexio preparará cos seus mestres una lectura, unha obriña de monicreques ou un Kamishibai, que docentes e alumnado lerán ás persoas maiores nas respectivas parroquias.
 

Constituída a Mesa de contratación da obra de mantemento e conservación de instalacións municipais nas praias

A Mesa de contratación da licitación da obra do PAS 2015 "Mantemento e conservación de instalacións municipais existentes nas praias da Frouxeira, O Río, O Rodo e Pantín" vén de admitir todas as proposicións presentadas e convocar ás empresas licitadoras para o luns 23 de xaneiro (09:30h) para a comprobación da documentación integrada no sobre B: "Referencias técnicas", para posterior avaliación polos servizos técnicos.
 

Páxinas

Subscribirse a Concello de Valdoviño RSS