O Concello e o movemento asociativo celebran a VII Xuntanza Solidaria de Nadal

Un ano máis, e xa van sete, Concello e entidades veciñais e culturais do municipio unen esforzos na organización da Xuntanza Solidaria de Nadal.
 
Unha cita coa que se busca recadar xoguetes para aquelas familias con menos recursos de Valdoviño.
 
Celebrarase o domingo 11 de decembro, a partir das 16,30 horas, na Casa da Cultura. En lugar de entrada, a veciñanza pode poñer o seu graniño nesta causa solidaria entregando algún xoguete. Neste senso, solicítase que, en caso de ser de segunda man, esté en bo estado e, especialmente, non sexa violento nin sexista.

Entrega de diplomas ós 98 alumnos do Plan Municipal de Formación do Concello

Entrega diplomas formación

O alcalde de Valdoviño, Alberto González, presidiu esta mañá o acto de entrega dos diplomas ó alumnado do Plan Municipal de Emprego, co que o Concello buscaba mellorar as oportunidades de emprego dos veciños e veciñas do municipio.
 

O Concello de Valdoviño emprenderá un ambicioso programa de reforma e modernización da Casa da Cultura

Casa da Cultura

O alcalde de Valdoviño, Alberto González, anunciou esta mañá que o Concello levará a cabo un ambicioso proxecto para a reforma e modernización da Casa da Cultura, co fin de mellorar a súa funcionalidade e accesibilidade e, sobre todo, convertila nun auténtico referente na comarca.
 
Para iso, o Concello investirá 86.368,59 euros, procedentes dunha subvención provincial. A actuación adxudicábase a semana pasada e o rexidor avanzou que as obras comezarán  no primeiro trimestre de ano.
 

O ilusionista Cayetano Lledó trae o seu espectáculo “Sherlock Holmes” a Valdoviño

Maxia en Valdoviño

O prestixioso ilusionista e actor galego Cayetano Lledó, habitual en escearios de todo o mundo, inaugurará este domingo a programación cultural deseñada polo Concello para o mes de decembro. Trae a Valdoviño o seu espectáculo “Sherlock Holmes”, na Casa da Cultura, a partir das 19 horas e con entrada de balde.
 

Corte no suministro de auga este mércores para a reparación dunha avaría na rede

O Concello de Valdoviño informa de que a empresa concesionaria do servizo de auga Viaqua procederá mañá mércores, 30 de novembro, á reparación dunha avaría na rede xeral que obrigará a cortar temporalmente o suministro. Será entre as 9 e as 13 horas, e afectará ás vivendas ubicadas ó longo da estrada AC116, entre a rotonda de Robles e o límite co Concello de Narón.
 
O Concello pide desculpas de antemán polas molestias causadas e agradece a comprensión dos veciños.

Páxinas

Subscribirse a Concello de Valdoviño RSS